《我老婆唔係我女朋友》【那些年／學界比賽／真人】 第四章至六章: 【第六章】 王教練的賽前部署（２）
星期五晚，比賽前夜，在麗池收工後約了阿心見面。在她家樓下等她，見她又帶了平日按摩時的裝備——一個小布袋，我有點奇怪今個星期都不用按摩了吧，然而她卻堅持帶備。
手牽手行去石硤尾公園，去到平日的長椅坐下，她在小布袋中取出一隻烚蛋和小杯自製啫喱，讓我有點喜出望外。「嘩，今日我生日呀？有蛋食又有甜品嘅？」盛夏中有杯凍冰冰的小啫喱，簡直是怕熱的肥人恩物。
以前老坑有禁令，比賽前一晚要小心飲食，避忌生冷食物，萬一腸胃不適就會影響比賽，不過我現時當然是睬佢都有味了，都是我條囡最錫我，哈。
「嘻，聽日要比賽，食好啲啲囉。」她說完後細心的將雞蛋剝殼後遞給我。
記得她明天返學不能缺席，不由得抱怨兩句。「我想妳聽日陪住我多啲喎。」
阿心一邊抹手一邊說：「唔好扭計啦，我要返學嘛，不過就算唔使返學我都未必去睇你喎。」
「吓，點解呀？」我有點愕然。
她慢慢的從後擁著我，毫無保留的貼著我背脊，抱得好緊好緊，然後在我耳背膩聲說：「想你建立信心自己面對挑戰囉，小朋友唔好成日做裙腳仔嘛。」
她一對柔軟的小饅頭，溫暖貼身的磨廝著我背後，使我舒服得幾乎大叫。儘管明白她的用心良苦，但仍感心中不快，輕微扭動身體以示不滿，小饅頭溫柔的擠壓著後背，立體清晰的存在感，十倍放大的刺激著腦神經，未親身享受過這動人的觸感，是無法想像到箇中滋味。同時也讓我感受到她對我滿滿的愛。