《我老婆唔係我女朋友》【那些年／學界比賽／真人】 第四章至六章: 【第六章】 顏文字二人組（１）
顏文字二人組
返回看台，Lulu興奮的跑過來：「仁呀仁，係咪會入決賽㗎？」
我聳聳肩：「未呀，要睇埋第二組，可能人哋全組都好快呢？妳個癡線妹就咪嗌得咁緊要啦，一陣失聲呀。」
「哈哈，打氣梗係要盡力嘛，你咁快學埋心媽啲口吻。」大情大性胸無城府的她，突然問了個突兀的問題。「乜你識嘉樂師兄嘅咩…」
就在說話期間，電子槍聲「嘟」的一響，打斷了我們的對話，是50自第二組初賽開始了。廿來卅秒時間轉眼即過，第二組第一名赫然不是總舵主，而是4線【灣大】的新鮮人26.9秒。嘿，想不認老也不行了。
兩組初賽完成後，將成績排起來，總舵主只27.5秒排第三，而我28.1居然也入了決賽，還排第五呢，算起來在決賽時他排3線，我排2線。仆街～又係喺佢旁邊！
在召集處旁邊的告示版，看過決賽的排位後返上看台，Lulu馬上一蹦一跳的彈過來。「點呀？點呀？」她比我兩個男友人更熱心。
「入咗決賽嚕，排尾4呀。」迄今為止，她是阿心以外最關心我的女生。
「有無順便睇吓嘉樂師兄呢？」她順口的問道。
原來她也關心另一個人呢。
「唏，佢時間快過我，點會入唔到呀，又係喺我隔離線呀，我最憎…」我漫不經心的答她。
咦，高妹成日問住佢嘅？