【請勿當係真人真事】女朋友的AV: 飯前的祝福

不知不覺，我同阿LING已行到CANTEEN門口。
  
  星期六晚既CANTEEN近乎無人，同平時食LUNCH果種繁忙相比簡直天與地。

  我地就係鍾意呢啲時間落黎拍拖食飯，第一我同阿LING 都住得遠，星期六日好多時都懶得返屋企；第二我地就係貪佢人少少，可以好自在咁慢慢食；第三始終讀書時錢唔多，出去食都貴，食CAN就最化算。

  不過今日我地黎遲左，水牌上既選擇少得可憐，只係剩返麵檔仲有得食。

  而家八點，理論上CANTEEN收八點九，不過七點半後檔口都會陸續停牌清潔。  



  既然無選擇，於是我地就去收銀度求其叫左兩個麵。


  收銀果位四眼哥哥有神無氣咁幫我地入單，當佢張單向我遞到一半時，我先發覺我原來無帶銀包。

  我只好極唔好意思咁問：「SORRY阿LING，我無帶銀包，你身上有無帶錢？」

  我問完都覺得低B，我睇住阿LING換上呢套摟屌裝，真係袋多個銀仔都無位啦。

  我正諗住點衝返上HALL 攞銀包時，阿LING 就話：「得啦，呢餐我請。」



  佢攞左兩張飛，塞落我手到，話：「你去坐低先，我陣間過黎。」
   

我知道阿LING 有放散銀係LOCKER 既習慣，所以我無乜諗就轉身行去座位果邊。

  但係我又突間諗，佢比鎖匙我去佢LOCKER攞咪仲快，唔使因為我漏帶銀包而要佢跑黎跑去。

  於是我再轉身想叫住佢，但係已經唔見左阿LING既人影，淨係見到收銀哥哥直勾勾望實我既眼神，令我不寒而慄，心諗：「拍鬼片咩！」就快快趣趣是但搵個離佢遠啲既位坐。



  一個人坐低，終於有時間分析下自己聽左啲乜野。

  其實我一路聽時都有不少疑問，但係阿LING 希望我接收佢個故事，所以我無太多既插咀，儘量比佢一口氣講。

 而我自己本身係中學時，已經成日有人無端端同我講佢地既心事，當年老師話我係一個聆聽者，擅長於接收其他人既傾訴。我試過去見輔導時，變成聽輔導阿SIR 講佢自己點辛苦聽左成個幾鐘。

  結局就係我入左U讀社工。

  聽人講野最緊要係表面INVOLVE，實際抽離。

  缺點就係如果事情牽涉我自己時，我就會好似太過理性。

  聽阿LING 同張子樂，山本一夫，肥波等人既事時，其實我心入面已有幾個重要既問題。  

  但好多問題，係人地未講完之前就問，係會好似啲一路睇戲又一路問呢問LO既人一樣，係煩膠到PK。



  「喂。」

  諗得入神，無留意阿LING拍我膊頭，比佢嚇左一跳。


 佢彎低身錫左我個咀一啖。

  「做乜呆晒咁呀？有得攞野食啦。」佢一手拎走左我揸住果兩張飛：「我幫你攞啦。」

  接着佢就去麵檔行左兩轉攞左我地個晚餐返黎坐係我對面。

  我抺一抺對筷子，同佢講：「頭先我仲諗住叫住你，我代你去你LOCKER度攞啲散錢咪得囉，但轉頭你已經唔見左人。」

  阿LING語出驚人：「唔使啦，我幫太子口爆一野就平左數，食麵啦，我請。有得食就快啲食，八點半就趕人架啦。」



  喂。可唔可以唔使我同時欲望及資訊OVERLOAD，我就HANG機啦。