魔王（完）: 所以人族只能到4維？

「哈哈估唔到你真係咁有興趣。你再咁問落去，真係問曬成個course！」

「唔好意思啊楊教授！不過我真係想像唔到高維度嘅世界係點，高維度生物嘅視覺係咪同我哋唔同？佢哋到底係一種點樣嘅存在？」

「想像唔到係正常，大部份嘅人類其實都係三維嘅生物，連時間同空間嘅概念都仲未掌握得好清楚。混沌論其實包含咗相對論同超弦理論，形容宇宙就好似湖面一樣，是擁有十維嘅湖面。」他繼續說：「唔同維度嘅人喺同一個湖只不過低維度既人冇穿透性，所以佢去唔到其他維度亦都見唔到其他維度嘅智慧體，而維度越高，穿透性越強。所謂穿透性系depends on粒子類型同粒子性質，例如光子並唔可以穿透任何物質，聲波粒子一樣，但係佢哋嘅質量速度等等都唔一樣。咁有啲咩可以穿透萬物？暫時已知嘅就係重力波，而且2015年已經被科學實驗證實重力波嘅存在。所以目前我哋嘅研究，認為高維度智慧體嘅意識系喺重力波度。」

我又拿著筆記抄下來：「明白。」「至於高維度嘅智慧體，理論上視角系同我地好唔同。正確黎講，每層維度嘅視角都唔同。舉個例，4維嘅人類可以睇到同一宇宙中3維人類嘅過去同未來，就好似3維人系喺公路上揸車嘅人，而4維人係喺公路正上方鳥瞰嘅人，可以睇到公路起點同盡頭。」「咁再高維度嘅人呢？」「理論上，拿理論上炸，5維就好似同時睇埋其他平衡宇宙，即係好多條公路唔同終點唔同路線。6維就係加埋時間線。科學上對高維度嘅推測就係根據點、線、面、立體咁推上去，所以如此類推。」

「楊教授，我見混沌論講過，人族最多只去到4維，咁係咪代表冇得再升上去啦？」聽見他笑了笑，又回答我：「身為人族，的確如此。不過多數呢管理層會offer你一個choice當你足夠可以升維度嘅時候，會比你選擇做神族或者魔族。你可以選擇繼續喺地球生活，不過相對上會升得好慢，所以大部分神族魔族都系地外生活，亦有自己既族群。」「升好慢？」「甚至會降級。」「降級？」「冇錯，如果犯左不可收拾嘅錯，靈魂會被管理層或者混沌回收。」「回收？」「冇錯。」「哇，你點會知咁多既？」我一開口便說了出來。他靜了靜，我以為我冒犯了他，打算道歉：「楊教授我…」「你遲啲就會知道。」豈料他竟然這樣回答，弄得我不知如何接應。





忽然聽到門外有聲音，我便匆匆與楊教授道謝並收線。我一打開門，只見父母在門外收拾倒瀉在地上的椰汁西米露。「阿媽你做咩偷聽我講電話呀，你煮左糖水話我知吖嘛。」誰知她一抬頭，眼泛淚光，父親一邊收拾一邊安慰著她。「媽做咩呀？」我拿開她的手：「我執啦，我同你去廳坐低先。」父親點點頭，我們便移駕去沙發坐下。

「仔，我聽到你頭先同楊教授傾混沌論呀可？」父親先開口問，「楊教授係我大通個prof黎，佢好好人架。咩事呀？」媽聽到之後，眼框又再紅紅的。「媽，做咩呀？」我有些擔心地關心她，她一手擁抱著我，父親一手搭住她的肩膊：「你個仔咪喺度咯傻瓜，唔好喊啦。」