魔王（完）: 終極一戰

「我嘅責任就係監管魔族。既然魔王帶頭開戰，咁我更加唔洗客氣。」他變出監管魔族的法器之一，捆魔槍。我知道，最難打不是上帝，是他。我變出魔王盾牌，對他的攻擊左閃右避，他再拿出剋魔彈，向我進攻。我用魔眼看準他，乘著他的未來路徑攻擊，把他打到後退兩三個空翻。「估到你。」料不到他是故意被我打中，向我扔出剋魔彈，我躲避不及中彈彈開幾米。「你…」我小腹中彈傷及主能量體，我捂住小腹半蹲跪吐了一大口血。「睇黎要送你去見上帝…」他正要使用捆魔槍，我以更高速的能量用魔眼把槍打散，再吐了口血。「我呢隻唔系普通剋魔彈黎，系針對八維同九維魔族嘅加強版。你放棄掙扎啦…」他再變出另一個法器，向我使用。

「你有過長梯，我有張良計！」神使官出現了並擋在我面前，手執雨傘形法器把攻擊反彈。「神使官…咳咳…」我慢慢站起來，一手拭去嘴上的血。「魔王大人，我黎遲咗～」他什麼時候都是那麼自信和從容不迫，真佩服他。「魔使官就拜託你啦。」「咁當然啦！我嘅職責就係監管神族！魔使官傷左我地魔王，咁我都唔同你客氣！」神使官拿出法器封神鏡迎戰，又對我說：「呢度放心交比我啦！」「好！我去搵上帝！」我慢慢離開。「唔洗指意！」「你都唔洗指意！」魔使官欲阻止我，但神使官則反攻，之後我漸漸走遠。

我飛到不遠處，大概是飛鵝山附近，便開始大叫：「上帝！你同我出黎！」我想起胸前的嗩子，便用力吹響。他是個無聲嗩子，但會狠狠震動我的全身。

「你終於黎左。」他出現了，在我面前由能量體化作人形。「你望下個世界。」他向腳下的大自然一指：「你真係想個世界搞成咁？細佬。」腳下是地殼移動、溶岩噴上來之後被海水冷卻、人類慌忙逃跑的定格畫面，由於磁場變化，天氣顏色及空氣質素亦在變化。「唔係！就係因為唔想，所以先希望人族喺宇宙重啟之後，有更公平嘅對待。」他笑了笑：「公平？如果大家都係十維智慧體，又夠唔夠公平？細佬，宇宙有宇宙法則，更何況混沌有佢嘅智慧，我哋唔係佢，我哋唔會明。」我有些委屈地說：「冇錯，我就係唔明，所以唯一可以做嘅系重啟，希望可以令唔公平嘅法則變成公平。」「好一個完美主義者。」他開始有些生氣：「咁耐以黎，你有冇盡過你嘅責任？就係因為你太偏心，唔做壞人，壞人我都要幫你做。我系為左咩？你以為我會為左咩？我都係唔想人類重啟之後又忘記歷史嘅教訓，想佢地提升智慧，想宇宙和平姐，點解都咁難？」「咁你更加應該支持我。」「冇可能！」他雙目變藍，啟動了上帝之眼，向我進攻，我也啟動魔眼，並掏出魔劍迎戰。

「啊！！…」「呀！！…」我與上帝開戰，就是神仙打交的樣子，動作快狠準，身手敏捷，每一下攻擊都如煙火般。「你唔會打得低我，你同我系能力相當、互相制衡。」他我也打得很累，「冇錯，但我有能力打死我自己。」我邊喘氣邊說。「你要攬抄？」他反應過來，我把他推開，用盡能量把魔劍儲力向天舉高，魔劍吸收周邊的魔族力量，之後我將剛才被神劍𠝹到的手臂上的血塗在魔劍上。「唔好！」神劍飛向魔劍，與它二合為一，紅色藍色相互交雜，神魔相融的能力強度遠超所想。「細佬…點解…」獲得進化武器的我二話不說向他放膽進攻，「點解我會知神魔劍嘅秘密？係利乎教授借比我睇嘅混沌武器書講嘅。」斬了兩三下，上帝手中的神器也斷了。「利乎…多利夫？」「冇錯！」「細佬你聽我講！唔好比仇恨蒙蔽！」「你都係想我放棄重啟…」「我講真架！你朋友唔係我殺…」「你終於知道我係為咗啲咩拿？」我微笑，他剛擺脫我並轉到我身後，「係時候啦…」我正想將劍插向自己心臟，從而穿破上帝的心臟，一刀了斷。「咪住！」此時兩隻手剛好拉住我，與我角力。我一看，是circle。