朝早十點,Mike從睡夢中緩緩醒來。

琴晚臨訓之前,佢將部時空裝置以及iPod Classis,收埋喺床頭其中一個櫃桶。

訓醒第一件事,就係檢查下兩部機是否安好。

拉開櫃桶一睇,兩部機都完好無缺。

佢放返部iPod落褲袋先,跟手想試下撻唔撻得著部時空裝置,無奈喺呢個時候,隻金毛狗又出現,衝入嚟間房對住佢吠。





「汪汪!汪!」

今次吠隻狗吠都不得止,仲撲上床擒佢,Mike嚇到走夾唔抖。

佢急急腳衝落樓,隻狗就追到佢入廚房。

咁啱Jenny喺廚房煮緊嘢,佢以為「老公」同隻狗玩緊,叫Mike唔好喺度阻住佢,順便喝走埋隻狗。

隻狗就趕走左,Mike則繼續留喺廚房,暫時唔敢行出廳,因為驚隻狗會再搞佢。





呢個時候,佢見到Jenny煮左好多嘢食,又焗蛋糕又整pizza又有沙律,總之就十分豐富。

「Why you cook so much?」佢懶係嘢咁chok左把美國口音。

「It’s Sunday! We have a gathering with…」

「叮噹!」

Jenny說話講到一半,就俾門鐘聲打斷左。





「叮噹!」門外有人㩒鐘。

Jenny唔講咁多,除低圍裙,行出去開門。

Mike無跟出去,用廚房嘅面盤啷個口,洗一洗個面。

「Mike, it’s Roy and Shelly!」Jenny叫Mike出去客廳。

Mike唔知頭唔唔路,慢慢行出去,見到屋內嚟左一對男女。

「Hey bro!」個男人好熱情咁攬埋去打招呼。

Mike望住個男人呆一呆:「阿榮?」

「What?做乜突然咁老土,學我阿爺叫我阿榮?Call me Roy, bro. 」阿榮講嘢同「另一個Mike」一樣,都帶有少少ABC口音。





雖然對方話嗌自己做Roy,但喺Mike眼中,佢就係阿榮。

喺Mike原本嘅時空,阿榮係佢中學時期嘅好朋友兼好隊友,不過都已成過去,二人早就無再聯絡。

佢勢估唔到,喺呢一個時空,「另一個Mike」竟然仲同阿榮咁老友。

而企喺阿榮隔籬嘅係佢老婆Shelly。

呢一日佢地兩公婆過嚟家庭聚會,所以Jenny一大早就起身準備咁多嘢食。

Shelly係拉丁人,一身古銅色肌膚,身材嬌小卻有性感曲線,波凸籮凸,著住條啡色貼身摟屌裙,成個S字形出曬嚟。

阿榮有一米八五咁高,Shelly呢條「小辣椒」傍住喺隔籬,就呈現出明顯嘅身高差。





Jenny鋪好張檯後,四人就圍埋喺飯廳一齊開餐。

兩pair人面對面咁坐,Mike坐喺Jenny對面,隔籬位係Shelly,阿榮就喺佢斜對面。

Mike知道自己家陣係假冒緊「另一個Mike」,佢唔敢講太多嘢,怕會露出馬腳。

阿榮口中咀嚼緊蛋糕,突然間好似醒起一啲嘢,然後喺衫袋拎出兩張飛,遞俾Jenny同Mike。

呢兩張門票係年度游泳錦標賽嘅入場卷,阿榮邀請Mike兩公婆到時入場支持佢。

喺屬於Mike嘅時空入面,佢所認識嘅阿榮,同樣都係一名游泳健將。

「Bro, you’re kinda quiet today.」過左一陣,阿榮發現Mike今日有啲靜。

「Er…Because I’m very hungry.」Mike大啖大啖咀嚼手中嘅pizza,扮到好肚餓而唔想傾計住。





突然之間,佢感覺到有隻手摸落自己大髀,令佢幾乎嗌左出嚟。

佢隨即擰轉面,望一下隔籬。阿榮個老婆Shelly靜靜雞,伸隻手埋嚟摸佢。

其實頭先Shelly一入屋,就偷偷地對佢放生電,只係Mike無為意到。

此刻Mike個心怦怦跳,又深感疑惑,做乜阿榮個老婆會「性騷擾」自己?

Shelly若無其事咁同Jenny傾閒計,同時隻手就喺檯底玩挑逗,一路從大髀內側,摸到上賓周。

「啊…」Mike始料不及,嗌左出聲。

「Mike, are you ok?」Jenny問「老公」。





「Um…I think…I’m ok…」 Mike顯得好不自在。

Shelly並無就此罷休,反而掩嘴偷笑。

喺對方撚雀巧手下,Mike嘅下體迅速勃起。

Mike塊面紅曬,心諗隔籬條女唔係想chur爆自己下話?

呢個時候佢唔知點做好,左諗右諗,最後選擇借尿遁,暫時離席。

起身離開嗰陣,佢刻意快速擰轉身,兼稍稍彎低腰,免得俾人發現自己扯緊旗。

佢返上二樓,匿入廁所,洗個面冷靜下,順手攞部時空裝置出嚟,再試下開唔開到。

點不知,Shelly忽然推開門行入嚟。

條女扮行開講電話,專程跟上嚟搵Mike。