穿越時空，冒充平行世界嘅另一個自己，再去呃佢條女上床: （84）

完事後，二人攤喺床上休息。

自從嚟到呢個時空，Mike可以話扑嘢都扑到賓周都損。

雖然有女屌，但留喺呢個充滿外星人嘅時空，同時又好危險，所以都唔知算好彩定係唔好彩，

喺間房抖足一日一夜，Mike著返衫褲，行出房想吸下新鮮空氣。

咁啱隔籬房嘅子瑜都行出門口，一見到Mike佢就投訴：「你條鹹濕仔喺度搞三搞四，嘈鬼死人咩！」





「唔好講到搞三搞四咁難聽，我只不過係受歡迎啫，」

「係啦係啦，你好受歡迎呀！」

子瑜語氣嘲諷，跟住就話：「諗諗下，你條友好似仲爭我一句多謝喎，如果唔係我及時開槍阻止，你早就俾隻斧頭怪劈死，點會有依家咁得戚？」

「哦~咁多謝囉。」

「拿，你救我一次，我救你一次，大家當無數架啦！」子瑜話。





「OKOK，不過又估唔到你啲槍法都幾準。」

「洗乜講，不過我都估唔到，你條友游水都幾快。」

「哈，我以前遊得仲快，如果唔係細個唔好彩，我奧運都有得參加！」Mike自誇。

「嘩下，讚你兩句就吹到咁大！」

「唓！你唔信就算！」





「咁係發生左咩事，搞到奧運少左你一個咁出色嘅選手？」子瑜半開玩笑咁問。

「咪就係...唉算啦...總之就唔好彩啦。」Mike欲言又止。

至於佢口中嗰件唔好彩嘅事，大約要追溯返去到8年前。

嗰陣Form 5嘅佢贏完公開賽之後，不幸染上左嚴重嘅肺炎。

雖然最後大難不死，但係肺部功能受損，導致佢無法再進行高強度嘅比賽，後來更被校隊勸退。

受到咁大嘅打擊，自此佢就自暴自棄，成個人變得好頹廢，做乜都無心機。

直至咁多年過去，佢心入面依然都係耿耿於懷，經常都會去諗，假如自己當初無染病，咁自己嘅人生一定唔會過得咁失敗。

或者繼續留喺呢個時空，對自己嚟講都唔完全係一件壞事，起碼佢唔洗面對自己嗰一個失敗嘅人生。





「喂！有無我講嘢架？」子瑜將Mike嘅注意力拉返返嚟。

「你…你頭先講咩話？」」

「我問你記唔記得，我地嚟左呢個時空幾多日？」

Mike數數手指：「我諗大概一個禮拜左右啦。」

「咁即係得返三個禮拜度。」子瑜眉頭一皺。

「咩得返三個禮拜？」Mike問。

「身為時空守序者，我係唔可以停留喺同一個時空超過三十日，否則就會被視為過度干預時空，會受到嚴重嘅懲罰。」





「懲罰？即係有人捉你返去？」

「睇怕就係啦。」

「咁咪啱囉，到時嗰啲人咪可以帶我地走！」

「頂！聽人講會罰得好甘架，好似話會受鞭刑，分分鐘鞭到連命都無，係嘅話到時我一定拉埋你條友落水！」

「嘩！乜你咁衰架！」

「你仲好意思講？你條友之前攞部時光機，周圍穿越其他平行時空，已經好有問題，同埋如果唔係你無好好保護部機，我地洗搞成咁？」

「咁係我錯囉，但依家講呢啲都無用，不如諗下辦法好過啦，又話唔定我地好彩遲啲行行下，會遇到時空裂縫呢？」Mike回應話。

「邊有咁易，時空裂縫係隨機出現，唔係咁易遇到架，除非…」





「除非咩呀？」Mike心急追問。

「曾經聽過有一個說法，就係假如有強大嘅力量，強大到可以令時空扭曲，咁可能就會製造出時空裂…」

「Mike！我地有啲嘢想揾你，入去房傾呀！」呢個時候，Vincy同Suki兩個翹住手，行埋嚟拉走Mike。

「喂，我未講完...」

「陣間先傾啦。」Mike俾兩條女拉入房。

「妖！死鹹濕佬！」子瑜好唔爽咁𨂽一下地。