第二十九章: 第一次拍拖日!(21)-高雄遊記(2)



*****************
離開美麗島站之後,搭捷運去到草衙站,嗰度好似有個叫做大魯閣草衙道嘅遊樂場玩,我拉住老婆仔去玩迷你鈴鹿賽道,即係玩嗰卡丁車,

「老~公~仔~你可唔可以教我揸車車呀~」
「梗係可以啦,我嘅可愛老~婆~仔~嗱,你帶咗安全帶先……」





跟住就係揸車教學,下刪500字……

「好犀利呀~老~婆~仔~咁快就學得識,好聰明喎~」

「梗係啦,我係老~公~仔~你個又聰明身材又好嘅老~婆~仔~呀嘛~」

「唔~抵錫~

卡丁車好好玩,玩到老婆仔拉住我都唔想走,佢最後強行拉我走
女仔梗係鍾意玩旋轉木馬,我諗起澳門某辣嘅啊妹講木馬情話,




大概內容係旋轉木馬國語係咩,係XX Mua,我講咗呢句嘢比老婆仔聽,佢聽得好似好lum咁,到我哋嗱,我扶老婆仔上去其中一個木馬到,

「好gentleman啵~」 「我係你老~婆~仔~個老~公~仔~嚟㗎嘛~」
「好開心呀!」

16歲少女就係心情咁簡單,而我呢個23歲仔就……應該點講好呢,有啲又想喊,係因為木馬轉來轉去,完咗都只原地踏步,毫冇進展咁,而且我以前同真・老婆Kristan嚟過,有啲觸景生情,我嗰時企喺到攬住正坐喺木馬嘅Kristan,嘻嘻嘻哈哈有說有笑咁enjoy玩樂時光,宜家卻不在,哎~我思故我在,楚瑩呀,我始終都擺脫唔到你呀,求你教教我這亡命難題,

「老~公~仔~唔好諗啲傷心嘢,我哋去坐摩天輪㗎~」佢摸摸我的頭說着,

我喺半推半就情況下上咗摩天輪,摩天輪去到最高處,啲人變得好細小,我就開始喊到失曬聲,因為我係喺香港嗰個摩天輪向楚瑩求佢做我女友嘅,所以……我講唔到嘢……





「嗚嗚……哇……嗚……」 「老~公~仔~冇事呀嘛~唔好嚇我呀~」

「我冇事,有啲觸景傷情啫~」

老婆仔好擔心我,佢攬得我好實,我就越攬越喊得勁,我真係好仆街呀,我明明同緊個女仔一齊,居然諗起另一個女仔,仲要為佢而喊,我真係好衰兼好傻,

哎~

……



****************
(下回待續)

已有 0 人追稿