第四十章:情逆三世緣



****************
我一直拖住老婆唔隻軟滑小手揸車,間中都一齊傾下偈,佢對我個老婆Kristan好有興趣,

H:「老~公~仔~呀~我⋯想問下你⋯你點識Keistan㗎?後來又點解會一齊咗嘅?我好想知呀!因⋯為我成日都見你苦瓜乾咁嘅樣,成日都係悶悶不樂咁嘅,叫極你都唔認,我驚⋯你因⋯為Kristan患上咗抑鬱症定係情緒病,我都試過同個最鍾意男仔分手,佢竟然背住我出去偷食,因為我⋯唔肯⋯比個處佢,我同佢分手之後認為自己做得好錯,秘曾經去過搵佢,佢居然拖住我個best friend Sally,佢為咗令我死咗條心,佢話Sally係佢嘅sp,我嬲到就嚟想拎起豬肉榮把刀殺撚死呢對狗男女,就咁頭兩三個月都係好似你咁樣,做嘢總係提唔起勁而且有時會精神恍惚,更試過𠝹手同想過去自殺,後來遇到你,你教我情侶唔一定要靠性慾先連繫到,雖然我哋⋯重逢就同你⋯咩咗⋯不過我已經放低咗條仆街,同埋同條姣西絕撚咗交,因為老~公~仔~你,我先至可以學識真正嘅愛情,我唔想見到為以前嘅情令你困住,永世走唔番出嚟受到內心嘅譴責呀~你要講出嚟我先至可以幫到你㗎嘛,老~公~仔~」

我眼見佢眼邊有幾滴眼淚就嚟湧出嚟,講嘅都係十分之緊張我嘅說話,情侶唔應該收收埋埋,但我又驚佢同我冇共鳴,而且佢咁細邊識處理呢啲情困問題,不過我唔講盞又令到佢擔心,唔講猶自可一講就大撚擭啦,





I:「我同Kristan嘅關係好有緣,係宿世姻緣,我check咗三世書,我前世係同佢喺埋一齊,前世我係希特拉,喺1929年識咗Eva Braun即係佢嘅前世,兩年後我哋愛上咗大家,喺1945年4月29號,佢就簡簡單單成為我嘅老婆,佢對我好鍾心,冇諗過離開我或者報串比蘇聯佬,雖然佢以前成日去自殺去令我多啲緊張佢,但我都要緊張偉大嘅日耳曼民族同復興大德意志帝國。佢同我做咗40個鐘夫妻,蘇聯就攻到我個地堡,雖然我以前對佢咁差,但佢仲好support我,又願意同我一齊死,佢寧願唔要我死後每年1萬2千馬克嘅贍養費,佢都同我死,我哋呢對亡命鴛鴦最後對對方嘅一句『Wir müssen uns im nächsten Leben lieben』,跟住我向太陽穴開槍,佢就服氰化物自殺。第二世就轉世喺2003年嘅香港,佢2004年先出世,我係細仔所以讀遲一年,我哋第一次見面係同一間幼稚園,其後佢哋屋企人搬到我隔離,跟住成為咗青梅竹馬,我哋兩小無猜,我有時成日去佢屋企做功課呀一齊玩煮飯仔呀,有一次佢有意外,我幫佢解圍,之後佢就同我私定終身,話要做我之後嘅老婆,我應承往後比到佢幸福。後來又好好彩可以同到佢入同一間小學同中學,我哋真正愛情嘅根係喺小學埋下,我愛上佢溫柔體貼嘅性格,佢又喜歡我上進同可靠,不過大家都怕怕羞羞,萌芽就係上到中學發生,嗰時form1同佢同佢同班,要一齊去宿營,玩夜間野外定向,佢好驚就撲向我嘅懷裏,我嗰時怦然心動,卜卜咁跳,嗰時我已經認定佢係我一世人最應該⋯保護嘅人,不過⋯我驚佢示咗愛連昔日青梅竹馬都冇得做,所以我冇去馬,佢亦多次明示暗示佢都鍾意我,我好自私⋯冇見到佢等我一句說話等咗⋯好耐,到咗2020年我先有勇氣向佢示愛,嗰時海旁好多人,我哋同一班菲林發燒友一齊影相,有人像,有大廈,有黃昏景色,我拉住Kristan去一二邊,佢話佢部傻瓜木機壞咗,我幫佢整返,我就鼓起一生人最大勇氣向佢示愛,所幸佢應承咗,然後我邀請佢搭中環碼頭個摩天輪,橙紅夕陽射入車廂,好浪漫,我哋係第一次以愛侶嘅身份去錫,我倆嘅初吻同初戀都比曬對方,我哋真心愛大家,亦丟低青梅竹馬嘅身份,到咗中六啦,我哋畢業揚到全校都知道,因為我身為學生會前會長濫用職權要求會長比我喺sing con同佢再度認真表白,最後老師冇罰到我,校長仲叫我加油去愛,中學六年生涯應該咩都經歷下,仲要顧掂成績拍拖,好彩身為前會長同副會長嘅我哋都有校長推薦信,dse成績好,interview表現好,我哋先至我可以入到HKU咋,喺HKU ocamp到我哋出咗名好恩愛嘅couple,當然都有人介入,例如係組媽,同我common course嘅女仔,同group project嘅女仔,成日同我一齊食canteen頹飯嘅女仔,同我翻part time job嘅女仔,雖然⋯我有背叛過佢,我都好愛佢,做咗次sp之後盡量少啲contact,好在佢原諒我係比人專登整蠱,目的就係想拆散我哋離間我哋感情,跟住就我好誠懇同佢講『我以後唔會再背叛你,求你下世可以同我再來一次真正真誠嘅愛情』,佢淚流成河,只係點頭回應,後來我哋係year4畢業典禮上,我比咗個大驚喜,我手執一隻啱佢size嘅10卡鑽戒指,上面刻有Kristan字,單膝跪下同佢求婚『楚瑩,我希望你可以認真聽我同埋認真考慮我陣間同你講嘅嘢,我哋前世同今世都好有緣,我哋從小就係青梅竹馬,老實講,我細細個如果見到佢比人蝦,我會好心痛,亦想同你出番一口氣,我好想保護你,當你開心嘅時候好想充當你第一個聆聽者,聽下你嘅生活上趣事同你分擔下不如意嘅事,我從小學就好鍾意你,嗰單純係因為我係你嘅青梅竹馬,我大過你,有想照顧你嘅想法,聽大人話喜歡別人係對別人負責,亦都因為咁我怕你會唔喜歡而不歡而散,所以一直放喺心入面,後來我上到中學先明白愛情嘅真蹄,愛係互相遷就互相包容互相體諒,雖然我同你不時有爭執,其後我每每都係最先原諒你,買你最愛嘅芝士餅食,係我愛你,唔想你嬲我影響我哋感情。喺海皮向你示愛係我嘅第一次,昔日傻小子同你講過一言一語都充滿我真心同傻氣對你嘅愛的宣言,你亦同我講好早喜歡我,我後悔冇同你早啲示愛,你話早啲大家未係咁成熟有思考能力,到咗sing con我為咗全校師生都知道你係我嘅人,我上臺為你而寫歌,為你而唱,為你而當住全校講我愛你。大學都經歷多重波折,我好多謝你原諒我,比我多一次機會,我應承你我永不再背叛你,到咗宜家year4我覺得係時候應該要同你表達我想法,我希望可以進入你嘅生活,燃點著我哋愛嘅希望蠟燭,Kristan,will you marry me?』佢話『Yes,I do,我都好愛你,希望你可以幫我帶上個戒指啦,咁我就成為你重要嘅人㗎,唔好蝦人哋呀~』,我欣然幫上喺左無名指,去到2022年我同Kristan注完冊就同屋企人移民去英國,順便修讀master degree,但係三世書話我哋一齊冇好結果,我就嚟咗2060年,佢就2048年死咗,從此⋯陰陽相隔⋯」

講到最後,我忍不住咽着失聲痛哭⋯⋯

H:「三世書最後點講?」









***************
(下回待續)


此章為星期六日得閒作嘅,time:2/4/2022 11:53pm ~ 3/4/2022 02:43am
已有 0 人追稿