Google Drive 靚相Link

第六十八章:Family route trip(2)-比利時遊記(2)



**************
CLS㗎,小弟喺搞過咁多條女都冇出過事,反而⋯⋯宜家同Helena可能會就咁一次就中⋯⋯⋯唉~~上得山多終遇虎啦,希望佢真係經期亂咗得!

「爸爸唔好唔要我呀!」如果真係有BB嘅話,佢老母Helena係唔會落咗佢呢,至少我個answer就係一定嘅,始終我未想咁快做人老竇(其實我只係喺2030年即係26歲先做人老竇->即係紫柔),好啦,出得嚟玩就唔好諗住呢啲嘢,開心啲,樂行!!





由8點3開始揸車再去到加萊放個短break,再揸兩個幾鐘就到我哋第一日嘅要去嘅城市—布魯日啦,嗰陣時已經都12點半,係時候去放lunch breake啦!但我冇得喝酒,so sad😩!

睇見佢哋有得喝Welcome drink champagne就流晒口水,係chardonnay出嘅,喂你班八婆竟然叫全場最貴嘅Bonnaire - Brut Rose NV ,後尾睇返支嘢值成千蚊港紙,荷包君多謝你😭😭,Edith佢刻意隊個champagne杯俾我,喂你條PK好啦喎,

「sory呀~~老公仔,唔知道你原來要柴可夫添,嘻嘻!」然後手起慢慢品嘗那美妙的champagne,跟住落嚟係我unexpected嘅嘢,Edith佢鍚落我嘴唇,呀衰鬼呀,我知你一定係喺太陽的後裔嗰度學返嚟,劉時鎮(宋仲基飾)係軍人唔飲得酒,姜暮煙(宋慧喬飾)有一日想同時鎮喝紅酒,跟住暮煙用舌頭狂甩他嘴唇,簡直是妖豔賤貨。如今Edith用呢個方法令到我有得品嘗美酒香唇,我硬了,我指係拳頭,你思想怎麼那麼壞壞呀,色色趕走,不過支酒又幾ok喎,4個人叫咗煎三文魚、Rissoto、Ravioli、芝士拼盤、鵝肝就夠了,荷包君好傷,以為今餐可以好平添,4個人食咗成2000幾蚊嘢💸💸💸😭😭😭!

食飽飽成點囉,我哋由餐廳行過去市集廣場只係分零鐘,哇~~又真係好靚啲哥德式建築,







市集廣場係布魯日舊城區嘅中心位置,廣場周圍有鐘樓、省政府宮、郵局同埋雕像,亦都有好多coffee shop喺到啊!!我買了杯mocha之後就施施而行,漫漫而遊。品嘗朱古力家鄉—比利時出產Mocha同時可以睇到美妙建築,我同Edith影咗好多靚相,Helena同我都有影好多selfie相,之後我哋成家一齊影個廣場啫!

我自己都影咗selfie仲有同班女女影相影咗8個字,就行去附近嘅鐘樓。布魯日鐘樓係比利時布魯日歷史中心一座中世紀鐘樓,亦係嗰度最突出嘅標誌。鐘樓過去用嚟收藏珍寶同市政檔案,以及觀測火情或其他危險狀況。有一條狹窄陡峭嘅366級梯級可以通往83米高的頂部,鐘樓嘅兩側同後部是原來嘅市集大廳,呢個係一座長方形嘅建築物,寬度只有44米,進深卻有84米,仲有一個內院。因此鐘樓被稱為「大廳鐘樓」。



嗰到啲梯級又窄又細,所以有啲吃力㗎,沿途有啲小展覧室可以參觀,

「嗄嗄~~呼~~登頂啦!」前方太陽正照射住我哋,布魯日美景如畫,睇見有好多大大小小嘅運河貫穿成個布魯日市,布魯日因水而生而具特色,有大地在我腳下嘅感覺呀~~不過鐘聲又真係好響亮啵XD





我哋又影咗好多相,特別係我同Helena,我首要係安撫佢嘅情緒,費事令佢以為佢丈夫冷落咗佢,你要忍呀~~樂行!相信Edith唔會介意掛!我哋逗留咗成50分鐘先肯走,3點3,下午茶到,我哋行去godiva買朱古力雪糕、朱古力沙冰同另二間買列日鬆餅食,果然係朱古力出產大地,頭先杯mocha同godiva is the best!Waffle又夠脆夠好食,列日鬆餅啲糖係有甜菜味,口感似麵包,好有咬口!Bon à manger!



正呀,有Helena呢個法文達人真係好呀,我真心佩服讀歐研嘅同學,佢哋可以去exchange(浸大去法國、比利時或德國、瑞士),又可以學法文或德文,我就唔識德文法文,惟有靠Helena translate la,唔得咪靠戈戈杉尼囉!

3點半繼續,我揸部去第二到,就係隔離嗰個城堡廣場啦,呢度原有一個堡壘。城堡廣場有兩個實際功能,就係民政同宗教功能,有市政廳、聖血聖殿、布魯日圖書館,我好醒,book咗兩部馬車穿梭布魯日巷弄發掘呢個童話故事般小鎮嘅美好,見證布魯日歲月留痕,把握和她,Helena,相處,畢竟我最近的確冷落咗佢好多,有咗Edith就唔能夠有更多時間去陪Helena,原本目標就係同Helena嘅拍拖之旅,

我哋冇入去市政廳圖書館,因為我哋腳都攰了,所以我哋只係selfie數張就叫師傅速速離開啦,



馬車河遊完就到個聖血聖殿,聖血聖殿係一座羅馬天主教的宗座聖殿,最初興建於12世紀,作為弗蘭德伯爵宮殿嘅小堂,呢座教堂收藏有亞利馬太的若瑟收集嘅聖血遺物,由弗蘭德伯爵阿爾薩斯的蒂耶德里克從聖地帶回。興建於1134年到1157年,1923年升格為次級宗座聖殿。呢座12世紀嘅聖殿位於城堡廣場,由上下兩座小堂組成。下層小堂供奉聖巴西略,係一座未改動過嘅羅曼式建築。聖血供奉在上層小堂,在16世紀重建為哥特式建築,在19世紀又多次翻建,改為新哥特式建築。老實講,其實唔係好靚嘅,







我嚟呢度做個懺悔,懺悔自己傷害咗一個女仔,自己犯了十誡中嘅姦淫罪,我哋留咗個半鐘就走咗,當時係5點幾,我哋行過對岸嘅玫瑰碼頭遊船河呀!布魯日有「北方威尼斯」之稱,水道同古老街交錯成為呢一座城市獨特風貌,因此喺布魯日遊船當然不能錯過,順住蜿蜒的河道有住不同角度近距離欣賞河岸的古建築,同樣可以影到好多相!中世紀古城,石板路及磚紅色的建築,人流不算多,遊一次30分鐘,上船有船長邊揸船邊用英語法語交替使用介紹沿途景點同背後故事,中途經過不少橋墩、河道,之後再折左返原來搭船嘅碼頭。河岸兩旁的建築物有山形屋、磚砌樓房,都靚到令我讚嘆。



遊完船河都6點lu,我哋去2be Beer參觀,正呀,係酒廠呀!我都買咗唔少比利時啤酒,唔係好多200歐啫!跟住我哋去食Edith book咗嘅法國菜餐廳,唔~~正呀,我喝咗好幾杯紅酒,冇醉到,就食咗3個鐘,有法式蝸牛、香煎鵝肝、法式油封鴨髀、洋蔥湯、嫩牛小排,同埋甜品&雪葩,係香檳整嘅,清清口腔,甜品係Saint honoré,一句講晒,正!外觀正口感正!撻皮上擺上一顆顆圓潤飽滿嘅泡芙,再用鮮奶油填滿每顆泡芙嘅空隙,最後撒上巧克力碎片或焦糖,像極了愛情,我、Edith同Helena都好鍾意食。



食完多嚿魚嘅法國大餐之後,8點快9點,我哋見到有人擺拍,我都show我部菲林相機先,比利時夜景真靚過幻彩詠XX多多聲聲,



香港果個係一堆垃圾光污染,起碼呢度比利時係半鄉郊城市,我叫紫柔幫我分別同Edith&Helena呢兩個靚妹用菲林相機影,我冒住犯法酒駕返Hotel,只係好平嘅Crowne Plaza Hotel啫,好在冇警察啫!





返到酒店,我同Helena同房,Edith就同佢姪女同房,我同Helena隊咗1打啤酒再食埋出前一丁就埋牙啦!



****************
(下回待續)
已有 0 人追稿