［愛情/甜故/穿越/科學］未來生死戀: 第一二五章：Family route trip(20)-德國遊記(4)

第一二五章：Family route trip(20)-德國遊記(4)



**************
今日係Boxing day，對於一個比個肅殺嘅地方旅行好似唔太好，始終柏林同戰爭有好有關係，而且有住唔太好歷史，所以我哋就惟有好多景點路過算啦！

我哋要去亞歷山大廣場行下，咁我哋就要過去對面東柏林，就需要過橋喎，我提Edith，

「老婆～～過橋要小心呀！過橋咪跣呀！」



好L好笑呀！個gag，Edith冇反應，因為我同佢學車成日講，紫柔冷笑就算，Helena我估佢get唔到，可能佢冇食過譚仔，

「大佬，你講咗好多次啦啵！！」

佢好似不滿咁，

到咗啦，我嘅作用重申一次，係負責付款嘅，係啦！我哋去咗NEW YORKER到買平貨，佢哋都算幾好人，幫我揀咗一套衫同腰bag，賣單1000歐有找，荷包都慳咗好耐，都要大使下！

之後揸車路過布蘭登堡門，



「好靚呀！個門口⋯⋯」Helena好鍾意個冇門嘅門口，

「哽係啦，佢有名叫德國凱旋門，係為咗紀念以前普魯士打到巴黎！」Edith讀道，果然係讀art history，冇曬到！

跟住我哋去食午餐。食完又散步一陣，唔係嘅就變肥婆啦🫣🫣！

然之後，我哋揸咗4個鐘車去到威悉球場，即係雲達不萊梅嘅主球場！

我記得佢以前係德甲嘅，2021年降落德乙，但係喺2022年重上德甲，今季我就唔知得。



我開咗球會賣飛網站，有飛賣，係德甲，主隊對拜仁慕尼黑，唔使睇盲估係拜仁贏！

所以我哋入咗去睇波啦！

「BB～～記住買花生食呀！」為食豬Edith嚟嘅，

「好呀！飲乜酒？」

「umm⋯⋯ERDINGER啦！」真係好勁呀BB豬妳！識配搭嘢食，因為我買咗隻熱狗食，

6點開波，首先兩隊互相示探，之後慕尼黑中峰控球推進，放低4個對方球員，喺14碼射，
哎呀～～～被門將撲出，龍門球去返半場，之後兩隊互相拉鋸，喺27分鐘有突破，慕尼黑前峰山度士射入咗第一球，1:0！

之後3分鐘，慕尼黑側峰亞古路又射，係禁區外射入，2:0！



上半場臨尾，不萊梅捉到路，中峰韋斯奇射到呀，佢用假動作呃門將，用左腳外側，點知係射右邊，2:1！

吹雞，上半場2:1完，休息。期間佢有個kiss cam嘅東東，冇錯啦，我哋係被選中嘅細路，我之後錫咗Edith嘴對嘴一啖！

「我⋯⋯sorry！」

「唔緊要，你⋯⋯係我老公嚟㗎嘛！」

全場完，3:3，踢到加時，咁不萊梅都唔曳，可以追到兩球！加時10分鐘，有呀！慕尼黑入咗，4:3！之後佢哋防守加強咗，咇～～～完場！100分鐘，4:3！應該唔會又降掛！



**************
(下回待續)