[微血腥] 覺能之戰 (逢二、四、六更新): 對角篇第十四章: 搜救行動 (三)

「起飛喇！各位請盡握扶手…」機師廣播起飛的提示，但機內眾人似乎未有留意，仍然聊得津津樂道。梓旻立即找個位置坐下來，扣上安全帶，詡本想一同坐下，但還未成功坐在座上，運輸機便起飛了。起飛的震盪不大，只像巴士輕輕剎車般，平衡不差的人根本不需要扶手也可。

鹿仔望向他們偷笑，似乎在嘲諷他們是新手，這令梓旻感到不爽。此時，有人從第二小隊的位置走過來用挑釁的語氣道：「咦？搞咩？Baldwin你個隊咁多O隊咁慘嘅？我個隊都有一隻！」

他伸出滿是淺啡色幾何圖案的手臂指著位於第二小隊的麗瑤：「好彩有人要咗佢！真係唔想同呢啲嘢一齊行動！」

他的用字非常難聽，就像不把麗瑤或O隊隊員當人一樣，這令梓旻憤怒。這無禮的人望回前方，如嘍囉般搖晃身體，游離的眼神停在鹿仔身上，仿似找到可玩弄的玩具般奸笑道：「咦？係亞鹿喎！你個Friend呢？死咗呀？ 」

鹿仔沒有理會他，甚至沒有給予任何反應或表情，這似乎令那惹人厭的人感不滿，那人繼續：「係嘅！你地組多傷殘人士(他偷瞄梓旻握緊的拳頭) 啲新仔乜都唔識，連T-bike都唔識揸，無能嘅人又多咗喇！」





梓旻忍無可忍，打算反罵回去時，阮超比他更快出口：「你講咩呀？」

那人詭計得逞，笑得更奸了：「講事實！無能又傷殘！」

阮超想衝前去，被Baldwin阻止了，而鹿仔在旁向梓旻打眼色示意他不要亂動。此時，一直坐在他們身邊，最後一位主救援隊伍第一小隊成員終於說話，她的聲音極具通透感且中性偏女性：「珈純！你好好咩？成日撩交嗌！」這成員的制服連帶帽子，明顯是特制的。她在室內也帶著太陽眼鏡及帽子，個子矮小，身型微胖但不算太豐滿。

珈純似乎非常不爽：「你又搭咩嘴呀？」

那成員冷笑一下：「成日匿係Buck後面嘅人係度扮曬嘢……好……你繼續講吖！睇下Buck點保你！」





Buck似乎是珈純的弱點，臉上滿是怨憤的敗退。鹿仔見珈純已離開，便開口道：「對唔住，嘈醒你。(用眼神向梓旻及詡示意)呢位叫Lorre。」

原來Lorre剛才在睡覺，她長嘆一聲再說：「唉，面對啲亂吠嘅狗，唔好俾反應，唔好同佢鬥。(向詡輕抬下巴)好似佢咁冇反應就啱喇！」

梓旻此刻才發現詡沒有哼過一聲，還以為以詡的性格早已反擊。詡禮貌的點頭道謝，Lorre繼續：「佢地係咪真係唔識揸T-bike？」

鹿仔望望梓旻、詡及阮超三人，三人也搖頭回應。Lorre未等鹿仔回應便說：「唉……好心你地組就搵個專教新人嘅人啦！唔可以下下靠自學㗎！一陣我同呢個Arm Mark(她指的是詡)嘅一組。」

「咁我同Fay，加埋梓旻啦！」Baldwin莫名興奮





「咁我同阮超兩個啦！」鹿仔拍一拍阮超

「你地要傾嘢就行開啲！我要休息呀！」Lorre搖動手