[微血腥] 覺能之戰 (逢二、四、六更新): 對角篇第十六章：亡 (四)

被弄暈後，梓旻發了一個奇怪的夢。在夢內，身穿先鋒隊制服的他站在辦公室的資料版前喝著黑糖奶茶。突然有人從辦公室門口叫他：「喂！亞旻！」

「喂！終於嚟嗱？」梓旻笑道，他從旁邊的資料櫃上拿起一杯飲料：「你嘅絲襪奶茶！」

模糊的身影愈來愈清晰，走到梓旻面前的是澈硯，澈硯穿著先鋒隊制服，手拿一大疊文件，苦惱道：「唔該曬！」

「做咩死老豆咁嘅樣？」梓旻說著又喝一口奶茶

「死係死，但死嘅係無辜市民同同事。」澈硯放下文件，拆開飲管包裝插進奶茶內，喝了一大口





「邊個吖？睇過……」梓旻放下奶茶，拿起文件一看，文件上貼有白衣男子的相片

「佢叫鄭子謙，我地去搗破一個犯罪集團嘅小型基因實驗室搵到，搵到嘅時候已經被分肢……其實現場仲有其他懷疑係人類屍體嘅分肢，但大多都因為被化學物或者基因改造過已經查唔到身份。」澈硯把自己記得的都說出來

「咁有冇搵到佢點被人捉咗做實驗？」梓旻問道

「冇，完全查唔到。條友冇乜朋友，冇拍拖，亦冇結婚。而佢嘅屋企人失蹤曬，又冇親戚。」澈硯指指文件中人際關係一欄

「咁……又查唔查到咩基因實驗？」梓旻問道





「查緊，但我諗我地唔會有機會知。你知啦！研究組成日收收埋埋……由其嗰個李浩政把關都咁嚴密。」澈硯擺出一副無可奈何的樣子

「你啱！我點問都唔會有人俾答案我。咁邊個同事死咗？」梓旻翻開下一頁，文件上的相片是亞豪的樣子

「條友四號隊……」澈硯咬著飲管道

「同你同屆喎！咩事死？」梓旻翻開文件

澈硯咬著飲管，雙眼望向通告板，指著一張海報。梓旻輕輕抬再望回文件，嘆氣道：「唉……都叫佢地注意啲，海報都出埋都唔識節制下……」





「佢呢……身世都好慘㗎……即係呢……佢有個妹……佢妹本身都得反佢一個親人……」澈硯終於放開飲管，欲言又止的說

「停！我知你想我做咩！唔得！」梓旻把文件放下，拿回奶茶

「唔係呢！佢個妹走嚟求我呢……你又識……」澈硯一手拿奶茶，另一手拿文件

「你知點解我入二號隊㗎可？唔得！」梓旻指指胸前的分隊標誌，說完便轉身走回辦公桌，澈硯跟上

「我知！但係……你仲可以同你地二號隊大佬兼大老闆甘生講下……可能……得呢……」澈硯笑一笑

「喂……嗱！我可以提下嘅……但如果要處決嘅話，你要替我更！」梓旻作出了讓步，但澈硯似乎不太開心

「但係處決……」澈硯的話在此中斷

現實的梓旻從夢中醒來。