[微血腥] 覺能之戰 (逢二、四、六更新): 對角篇第十七章: 叛 (一)

醒來時天還光，起身的時候感到口乾乏力，大概是累過頭了，一看時間發現自己已經睡了十數小時。他這次也睡得不太好，夢到澈硯覺力戰中的笑容、A Mark在腿的男子的奸笑及家人和自己被一角殺死的情景，嚇得他心臟亂跳。

他簡單梳洗一下，看到手機訊息顯示：「O隊Crystal：KiKi已經早退返宿舍休息」他決定回辦公室看看鼓鼓爸爸有否新消息。

來到辦公室門口，富哥正在沙發位置餵飼圓婉，圓婉看到梓旻便大叫：「戴梓旻！戴梓旻返嚟喇？」

圓婉的聲音響亮得有點嚇人，富哥轉身問：「梓旻？」

梓旻走到富哥面前答：「係吖！富哥。」





富哥放下手上裝鳥糧的瓶子，把右手放在梓旻的頭上，一邊摸頭一邊說：「第一次出動就經歷咁多嘢！辛苦曬！」

富哥的舉動讓梓旻感到很窩心，感動得眼泛淚光，估不到第一次行動就讓他心累得想哭出來。就這既窩心又感人的氣氛下，突然Baron (P隊見習隊員) 衝進來，大叫：「有冇人可以幫手？富哥！富哥你係度就啱！救命！鹿仔失控呀！」

富哥把圓婉放在肩上，跟著Baron跑出去，梓旻跟上。富哥嘗試了解情況：「發生咩事？」

「鹿仔佢……突然衝入P隊辦公室，用AP壓低咗啲人，然後……然後捉住珈純嚟打……」Baron喘氣回

「好死唔死係Buck嘅手下，咁識揀人……」富哥埋怨





「可能……可能同珈純出發前咒亞豪死有關……」梓旻把自己想到的可能性告訴富哥

「唉！衰多口！」富哥有點煩躁。

三人終於來到P隊的辦公室門前，有幾名P隊隊員在門外，其中一位是亞點 (P隊隊員)。富哥上前問：「情況點？」

亞點不慌不忙的回答：「搞唔掂！基本上佢只係針對珈純，其他人唔係入去阻止佢打人都唔會遭殃，但我驚珈純捱唔耐，鹿仔弱化咗珈純再強化自己，同用AP打普通人冇分別。而且而家只係……(看看錶)打咗幾分鐘，唔似只係打一陣就完。搞到咁大實俾人停職啦！」

梓旻本來非常緊張，但看到亞點的態度也平靜下來。Baron問：「點解你好似唔當一回事咁？」





亞點冷笑一聲：「新仔，P隊耐唔耐就大打一獲，入廠幾日都試過啦！而家同個Ear Mark嘅打，算安全㗎喇！」

梓旻問：「但鹿仔而家精神狀態唔穩定喎！」

富哥嘆氣接著說：「珈純出發前咒亞豪死呀……」

亞點即時有點慌張：「咁大獲？衰多口……你地快啲入去勸佢啦！」

富哥點頭說：「幫幫手搵Crystal同鼓鼓爸爸，我估Crystal同Kiki係宿舍，鼓鼓爸爸開緊會！我會再send一send信息俾佢地！但怕佢地未必收到，尤其鼓爸。」

富哥及梓旻進去了，與O隊辦公室一樣，他們先經休息處的位置，通往滿是辦公桌位置的門打開了，可見文件四散在地上，內部除了辦公桌，似乎還有此健身工具。數人躺在地上動也不動，而鹿仔及珈純正站在辦公室中心，鹿仔背向大門，而珈純此時已血流披面，若非亞點等人說過他是珈純也不會認得出。