[微血腥] 覺能之戰 (逢二、四、六更新): 對角戰第十九章：畢業試 ( 二 )

「今次做得唔錯，但唔夠集中，你可以試吓用想像力量係鎚頭凝聚，就好似一個波咁，永遠都打得中嘅波。一打中，就會打出一條直徑同個鎚圓形平面個邊一樣嘅圓柱光束。試吓！」Lina邊說邊在手錶上按，然後多部清潔機械人就出動把現場清潔乾淨，新的箭靶也從天花板降下，過程只需短短幾秒時間
 
梓旻想像了一會，再擺出姿勢，雙眼集中看著目標箭靶，心裡倒數「一、二、三」便打力量打出。這次他很好地把攻擊範圍收窄，雖然目標左右的箭靶也被殃及，Lina滿意的拍起手來：「做得唔錯，
但你用咗成三分幾鐘，除非敵人係白痴，如果唔係，你就死硬。練多啲，出快啲！出得夠快就可以練一練另一邊尖頭，用法相似，想像能量由尖頭射出，形成一條幼嘅直線就可以。」
 
「聽你咁講，好似只要識想像就得？」梓旻好奇問
 
「當然唔只得想像啦！但你要記住，要活用AP，想像力好重要！」Lina轉身指向身後的柱子道：「我就唔陪你練喇！你整爛箭靶就禁柱上面個制，可以立即有新。仲有，提提你，你嘅畢業試內容已經定咗……你知咩係畢業試架可？」
 
「我……我有睇新人手冊，係由見習升上正式嘅試……」




 
「係！你同澈硯被安排進行紅核試！等聽日澈硯攞埋武器，我就會報告上頭，你地會收到信息，一個月內揾一日考就得。」Lina道
 
梓旻努力回想自己從新人手冊讀過的相關內容，見習畢業試可分為上級試及紅核試，顧名思義就是與上級或紅核對戰，但與上級戰不同，上級試只有對戰的上級及見習隊員二人。而紅核試除了紅核外，隨上級安排可能會多於一名見習隊員參加畢業試，而且將會另外安排一人掛上誘餌牌，作為誘餌吸引紅核。
 
「所以我未來一個月都要對住澈硯？」梓旻一想到這裡就想哭了
 
「睇情況，可能更耐！」Lina笑著離開了訓練室，剩下梓旻有點不快樂地獨自練習
 
那天梓旻用了大量時間嘗試收細攻擊範圍，好不容易才收窄至理想範圍，然後又要練習速度。一天的練習就這樣過去，雖然最後也未能加速，但至少沒再把非目標箭靶毀掉。回到宿舍時，他剛巧遇到詡正進自己房門，想起前日於食堂發生的事，他便立即拉著詡低聲道：「有事揾你傾，我入唔入得嚟？」




 
詡被嚇一跳，點頭再讓榟旻先進門，自己進去。關門後立即問：「咩事神神秘秘咁？」
 
「我前日看完鄭子謙之後去食堂買嘢食撞到Dali！佢……」梓旻嘗試把他所聽到的每句說話也詳細地說給詡聽。詡聽完後沉默了一會，似乎在思考什麼，梓旻緊張的問：「我係咪應該報告俾上頭知道？」
 
「咪住！鎮定啲！報告上頭……講得俾邊個知？」詡反問梓旻
 
「你……你唔係識高層咩？」梓旻回想上次詡跟亞塵吵架的對話
 
「嗯……好！我試下講一講啦！」詡雖然有點猶豫，但也答應了




 
「仲有……我發咗個怪夢！」梓旻突然想起夢的事
 
「夢？」詡滿臉疑惑的
 
「你唔好笑我！我發到自己同澈硯好似好熟好fd，我地兩個負責審……應該係我一個負責審Dali整死亞豪嘅事，你唔覺得好巧合咩？但夢入面我又唔熟Kiki同鹿仔佢地……我一直諗，會唔會……會唔會……係某種預知夢呢？」梓旻提出了一個連自己也覺得好笑的假設
 
「唔係冇可能，不過又唔可以完全肯定，所以唔好亂同人講！你下次再發就同我講，我地一齊分析！」詡非常認真的回應
 
「好！唔阻你休息！我走先！」梓旻轉身離開
 
「亞旻！聽講你攞到武器，下次show嚟睇下！」詡在梓旻關門一刻道，梓旻點頭回應。回到房間的時候，不知為何有種空虛感，總覺得自己心裡的不安感尚未釋放