[微血腥] 覺能之戰 (逢二、四、六更新): 敵或友篇​第二十八章：出戰卧底賽(二)

「第三日的第五節卧底賽 H組同第四日的第三節領地爭奪賽C組。」梓旻回答

「練成點？」月琦問

「唔錯，我地好有默契！」澈硯興奮地回

「有默契係好事，真係希望你地可以一直維持現狀，友誼永固⋯⋯」月琦好像有點悲觀的說

「你講到好似我地好難友誼永固咁喎⋯⋯」詡道





「仲好似話中有話咁⋯⋯」梓旻說完望一望樺

「唉，人老就會咁，你地走啦！唔好曬時間係我呢啲老人家身上。」月琦視線放遠說完便回店內收拾

四人離開了士多，待樺放好「禮物」後，便一同訓練。由於楓需於P隊辦公室當值，所以沒有一同前往。練至一時左右，詡又要回辦公室當值，只剩下梓旻、澈硯及樺三人在飯堂吃飯。三人找到座位後，梓旻及澈硯負責購買食物，而樺則在座等待澈硯送上食物。當梓旻等待叫號時，不小心瞄到樺悄悄把澈硯的主研究所的證件放進自己袋去，再換了另一張卡片返在卡套內。

這舉動令梓旻生疑心，整個下午都注意著樺的去向，直至晚上分別時也沒有放鬆下來。他在M隊樺所住的樓層防火門外等待，當他發現樺在午夜時偷偷摸摸的離開房間。梓旻就用自己的AP飛行能力從後樓梯間降下，到空中花園的樓層等她。

樺到空中花園後再離開甘氏大廈，梓旻則由空中花園飛到地面，這被發現的風險頗大，梓旻盡量貼牆飛，及想好以賽前訓練作借口矇混過去。幸好，整個跟蹤過程沒被任何人發現，包括樺。最後，梓旻跟著樺來到主研究所後，本來想等她出來看她是否偷去什麼。可是忽然有夜間巡視的航拍機聲音，梓旻就離開了。





第二天早上，梓旻沒有機會知道樺如何返還證件，因他雖然乘搭早上七時由總部安排的「順風車」去比賽地點當值。那「順風車」是Horn Bus – II，它的外型酷似一輛黑色小巴，內有二十個座位，四面也有透光的窗，出入口在側旁。它主以AP轉換成能源推動，也設有儲電裝置作後備能源，它沒設置任何自衛武器及保護罩。內可容納連同兩位機師在內約二十人，兩部航拍機在車頂及四輛摺疊式T Bike嵌在地上。

在「順風車」上，梓旻與許久未有一起行動的Albert坐在一起，Albert嘗試介紹今次工作流程及內容：「今次我地會離得比較遠，人手安排都多少少，每個起點同觀鳥屋附近都有人駐守，兩人一組，一共六組。醫療站就總共三個，喺每個起點同觀鳥屋之前。我地會喺觀鳥屋C當值，所以我地主要將傷員帶去起點C同觀鳥屋C之前嘅醫療站，我一陣帶一帶你路，今次你都會同我一組。

今次同上唔太相同嘅地方係我地唔會立即救人，主要原因係佢地今次用到武器，攻擊範圍大咗，以免我地救人救到自己都傷。除非傷者有致命危險，咁就要立即救。如果唔係，都係等戰鬥中嘅參賽者離遠咗先做嘢，聽指示就得。以及，同上次唔同，我地今次完全靠通訊器知道傷者位置，冇任何顯示螢幕。都算一種訓練，冇可能出搬救會有螢幕指示得咁清楚。但同時因為地理位置多植物，可能會阻擋視線，如果戰鬥進行中就要小心啲。仲有，今次要幫手還原場地。總之多嘢做咗啦！」