[微血腥] 覺能之戰 (逢二、四、六更新): 敵或友篇第二十九章：誤會 (二)

「你指緊楓定澈硯？」

「楓……」樺吐出的這個名字令梓旻驚訝

「冇可能！佢咁……」

「蠢吖嘛！但有乜可能蠢到咁？仲要咁蠢咁嘅地步？連正常人知嘅嘢佢都唔知喎！而……唔知點解去到卧底戰又突然叻返！」

「你唔會係因為佢贏比賽背叛你，所以嬲佢吓？」





「緊係唔係啦！我點會因為個比賽就話人係間諜呀？」

「咁證據呢？」

「我冇證據係手……」

「冇，你又點解要懷疑佢？」

「因為……因為我……有可信嘅人……」





「邊個？」

「唔講得，佢係我恩人。」

「又唔講得，一陣你恩人先係間諜點算？」

「唔會！佢係幫我地㗎！」樺激動的道

「我點知，一陣佢話我、詡同澈硯係間諜咁點？」





「唔係！佢話我知你地三個絕對唔係間諜！」

梓旻沉思了一會，再問：「我唔知你嗰個係咩恩人，我亦冇證據去指證你係間諜，呢啲我理唔到。但我好想問，你同澈硯一齊係真係愛佢？定因為係你恩人叫你利用佢？」

樺靜下來了。這個反應反映了答案，即她並非愛澈硯才一起，她只是想利用澈硯。梓旻對樺既失望又生氣：「我都估到……有乜可能咁短時間就肯一齊？你既然想證明你唔想傷害我地，咁你首先同澈硯分手，唔好再利用佢，我唔想睇我朋友當你女神咁拜，最後畀人當傻仔。」

「我……我冇當……」樺急忙澄清

「唔使講喇！我同你冇乜好講喇！出去！」梓旻指著出門，樺知道此刻再講什麼都沒用了，她只好含著淚離開

翌日，他們乘坐Horn Bus – II離開，因座位編配問題，梓旻、楓及詡被安排到同一班機。在機上，隊員們聊起這數天網上討論區對他們比賽的留言，如Crystal被譽「長腿女神」，她的相片及個人社交媒體也被人分享出去了；雲耳木耳、陳德晉及珈純被罵的聲音比讚的多，但雲耳木耳的情況相對好，因為有些人支持她的小熱褲打扮；岡仔及亞宏被列為「肌肉美男」之一；盲妹被讚「盲眼神槍手」；可憐的芷喬被罵為「廢柴卧底」，因為她在與梓旻隊的對戰中擔住卧底，卻毫無作用；而最令梓旻感到不舒服的留言是稱他和樺為「最登對情侶檔」。

「旻！網上啲人話你同樺好襯喎！」詡嘲笑道

「唔覺！」梓旻說話沒尾音的





「仲未好返？」楓問

「究竟咩事唧？」詡問

「冇事！」梓旻不想回應

到達目的地後，梓旻沒有與樺交流，甚至沒有眼神接觸。直到他們的比賽要開始，其他人沒有哼一聲，各自與二人個別對話。就在比賽抽籤開始前，主持便宣佈五名M隊成員組成的參賽小組因故退出比賽。

當開始抽籤，由於梓旻心情不佳，這次由澈硯抽籤，他們隊抽到的是A，而Kristy隊抽到C。抽籤結果出來後，各隊成員便隨來到所屬起點等待。