[微血腥] 覺能之戰 (逢二、四、六更新): 謊言與隱瞞篇第三十八章：長夢 (三)

「我唔會信你⋯⋯我唔會⋯⋯我唔會⋯⋯」梓旻完全沒有接受姐姐的解釋，姐姐也開始忍不住流淚，突然有一個青年走到姐姐身旁，輕掃姐姐的背  「你會唔會太過份？你搞唔掂你老婆，向家姐發脾氣？」青年生氣道，姐姐拉著青年示意停止，但青年似乎未打算停下：「你根本就自私，你一味諗自己，又想扮英雄，但又廢。又唔係鍾意樺，又娶佢，就係因為自己對澈硯嘅事內疚。自己去報仇，但唔俾老婆完成心願，只係怕又再傷一次自己，冇諗過佢真正要咩！」  「你知啲咩！你最冇資格話我！你老婆又點？」夢中梓旻站起來，看似想跟那青年開打，青年的面容剎那變得清晰，青年的樣貌與詡有幾分相似，但眉毛較散亂、臉頰較凹及嘴唇較薄，整體感覺比詡惡得多  「鈞靖，好喇！停！我地俾佢一個冷靜下，你都要冷靜！」姐姐阻止青年動手，並把他拉走了  場景一轉，夢中的梓旻滿臉鬍鬚，看起相當憔悴，他半跪在某個地方，站在他身邊的是鈞靖，二人似乎在執行任務。前方突然有一群怪物衝上前，肉眼看至少有十隻或以上，但二人一點也不緊張，梓旻吸著煙，絲毫也沒有動起來的打算。當怪物跑近至約十數米範圍內，鈞靖伸出右手，輕彈一下手指，所有怪物煙消雲散。  「有你咪得囉！搵我嚟做乜？全個部隊冇人夠你嚟洛！」梓旻滿是怨氣的道  「你家姐擔心你⋯⋯」  「我唔會自殺喎⋯⋯擔心咩？」  「成個月都咁嘅死款！」  「唔係個個死老婆都好似你咁輕鬆咩⋯⋯」  「提少陣佢啦⋯⋯」  「係嘅，你都唔鍾意你老婆。」  「咪同你一樣囉！」  「好過你攞佢做實驗！同你細佬一啲都唔似，你細佬得人中意好多！」  「收聲啦！知你唔死得喇！嚟喇！我地真正要殺嘅人！」  夢中梓旻拿起他的武器，武器與現實梓旻手上的一模一樣，跟鈞靖嚴陣以待。不久之後，一群人出現在他們面前，是亞傑及亞盈的複製人，只有最後排的一個老男人沒見過。  「報告，目標係我地面前。」梓旻用耳機聯絡總部  「邊個最近個老嘢，就邊個落手啦！」鈞靖向前做出手指槍，輕輕一動，眼前就有數人倒下  「得啦！」梓旻把武器變成大斧，大力揮斧，數個人倒下