[微血腥] 覺能之戰 (逢二、四、六更新): 謊言與隱瞞篇第三十八章：長夢 (五)

「梓旻！梓旻！」梓旻醒來後第一眼看到的是姐姐月文，他被剛才的夢嚇得喘不過氣：「我⋯⋯我係邊？我係咪死咗？」

「未死，俾鄭謙打暈咗唧！」詡故作鎮定的解釋，可見他剛才也十分緊張

「咁鄭子謙去咗邊？」梓旻呼吸仍舊急速

「澈硯打暈咗佢。」詡回答

「打？」梓旻問





「係打，樺去保釋緊佢⋯⋯意思係陪佢向上頭解釋緊。」詡笑笑道，梓旻看清四周只有姐姐和詡

「你有冇咩唔舒服？」月文問

「冇，我⋯⋯我只係發咗個好嚇人嘅夢唧。」梓旻嘗試坐起來，月文及詡左右協助

「夢？」月文問

「又係預知夢？」詡有啲興奮的問，月文立即皺起眉頭





「應該係，感覺過咗好長時間，今次夢見嘅係叫鈞靖同亞滿嘅人。」

月文聽到後似乎驚呆了，瞪大眼睛一會後，說了句「既然只係發夢，咁我走喇！」便離開了。對於月文的逃避反應，梓旻早已習慣，他唯一指望詡能稍微解釋一下。

「我⋯⋯」詡欲言又止，面有難色的

「我知你又唔講得嘛！」

「呀⋯⋯唔⋯⋯唔係嘅⋯⋯其實⋯⋯其實鈞靖係我亞哥。」





「你哥？死咗嗰個？」

「係，師傅對佢嘅死，應該⋯⋯充滿愧疚，佢好似覺得係佢害死我哥。」詡沮喪道

「對唔住，我唔係特登。」

「我明，其實我同我哥都唔係好熟，所以⋯⋯冇事。不過，亞滿我就冇頭緒。」

「我夢見佢地……不如我由一開始講……」梓旻說完又覺得不好讓詡知樺喪禮那段夢比較好，因此他略過這段說：「我同鈞靖好似關係唔太好，我地成日話對方，我尤其鍾意用佢老婆嚟針佢……我可唔可以知咩事？」

「呀……我都係知少少咋！我之前咪話我哥係天才嚟嘅，但佢最大嘅問題係……冇乜同理心，或甚至冇乜人性，呢個問題已經出曬名，令我媽非常擔心。有日佢宣佈結婚，我媽當然好開心啦！點知，佢根本唔係鍾意佢老婆，佢只係要搵白老鼠，順便應付我媽。佢老婆好似好慘，但冇人話我聽幾慘。」

「哦……呀，跟住有日見到佢同嗰個叫亞滿嘅人嘈完，我就好似……死咗。」

「吓？」