歌。詞。故事: 《逆時車站》

「唷，你個十蚊。」

「你真係仲記得。」

「雖然我好窮，但係十蚊都畀得起既。」

「上車。」

================================





「無論你幾用力將水握係手中，都係會由你既指縫流走，呢個世界無話邊個唔可以無咗邊個。」

「唔係㗎，唔係㗎。」

「我都唔明自己點解淨係識得你幾個月，竟然會咁鍾意你。」

================================

「我想睇我同前男友既相同片，我一直都無del。」





「想睇就睇，我喺你隔離同你一齊睇。」

================================

「唔好再喊，再喊就唔靚。」

「唔緊要，反正......反正我都無人要。」

「我要。」





================================

「返屋企喇。」

「點解要走......點解...」

「我地應該唔會再見。」

================================

曾經我真係認為我會陪你搭同一程車搭到終點。

我會經常諗起你講過既嘢，同你講過既嘢，每一次諗起我都會忍唔住偷笑，忍唔住流眼水。

我好想返去遇見你既車站，喺虛構既我都唔介意，只要係我地無分開就可以。





可能我同你係某個平行時空入面並無分開，仲相擁到白頭，但每次我咁諗我都會被我地已經分開咗既事實拉返嚟現實。

宜家我同你已經再無任何關係，就算我地有分歧，係唔係一定要走到呢一步?

我點樣喊，有幾傷心都好，你都係唔會回到我身邊。

我好想同你講一兩句，講吓近況，講吓無咗你係我身邊有幾唔習慣。

只要能夠多相擁一下，講上一兩句說話就足夠。

我同你係車站中開始，亦係車站中終結。

如果時間能夠逆轉，我希望可以返去第一次遇見你既車站，再一次擁抱你。