【重甜】人妻的故事 (長篇 真人真事): 第三章 難歸平淡 第三節 初見教練

第三章 難歸平淡 第三節 初見教練

到左果日教練9:00到揸車去到M屋企附近，而M亦遲左小小先到，只見到有位身材偏瘦一身白色運動T-shirt同長褲嘅男人企係一部車旁邊向住佢揮手，M就行過去 「你係教練？」 「係呀！M小姐早晨，快D上車，今日好鬼熱」 教練對住M講，之後就幫M攞住個袋再開門俾佢上車，上到車教練第一句就講 「又話著瑜伽褲，而家又著短裙唔怕走光」？ M就答 「你都識話熱啦！今日成31度，梗係去到先換啦，而家就即刻去打波？但係我未食早餐喎」，「咁好啦！而家就去食早餐先，食完再去會所」教練回答，之後就一直駛去食早餐。


 
食完早餐後就去目的地會所，但M發覺有D奇怪問 「你又話去會所，點解轉入黎呢D時鐘酒店嘅地方，你唔係想帶我去咩下」？教練笑笑口答「乜原來妳預左今日出黎咩架？我真係蠢Get唔到添，呢度咁多時鐘酒店去開邊間，一陣打完波就下妳囉，轉出呢個街口就到，打完波先啦，唔使咁心急喎」，M就急住回答「你... 你唔好亂諗呀，我今日出黎都係打下波郁下咋，無諗其他野，你唔好亂諗呀」，「哦…唔好亂諗」教練就轉左入一個閘口，跟住就駛到停車場泊好車後，「到啦！亂諗果個係妳呀」教練對住M講，M忍唔住講左句 「我點知呢度會有個會所喎，嘩，你係呢度做教練咪好有錢，黎得呢D地方都要入會應該唔少錢，呢D地方我都係第一次黎咋」，教練答 「真呀！呢度入會費都要50萬重要俾月費，但係我嘅人工係每個鐘計重要俾會所抽佣，加上而家無堂教都係用緊D儲蓄咋，都唔知要捱到幾耐」，M就話 「而家個個都係咁，我都無工開，有展覽會我先有工開，大家忍多陣會轉好。喂唔好講呢D啦，又話打波快D帶我去換衫先啦！」 「好啦好啦！妳跟我黎啦！」教練一手攞住M個袋再去車尾箱攞左個好大嘅運動袋邊講邊帶路介紹會所有咩設施 「陣間換完衫係呢度等，跟住再帶妳去羽毛球場」，「好啦！你俾番個袋先啦，我換完衫係度等你」 M講完就入左去更衣室。