我一定會拯救你地: B

睇嚟係女神令我穿越左2年前

呢一刻嘅我應該係上緊堂
個老師仲啤一啤我 應該係示意叫我唔好發夢 專心上堂

我望一望周圍 全班都係女同學嘅？

我望一望下身
Omg 我著緊裙嘅？
睇黎細佬都冇埋





Ok...整理現狀 女神話我每次穿越都只得1日時間
相信我第一件要做嘅事就係要同佢地接觸

但問題係我根本唔知佢地係邊到

上堂教d野仲要咁難 淨係隱約記得我舊時中學有學過下

到左小息 我行左出去睇座位表
望到自己個名係...




Denise...？？？
笑死

「喂 Denise ! 做咩望個座位表係到傻笑呀？」
有個女同學過黎撩我講野

「冇呀哈哈 諗住睇下自己係邊個咋嘛」
我答得勁on9

個女同學用不屑嘅眼神望一望我就走左




成日聽講Band 1名校d學生讀書讀到痴左線
我估佢呢一刻都當左我係一份子

之後再有d人過黎問我 有冇興趣一齊參加d乜乜乜比賽
又或者 講開邊間新開甜品好食 問我有冇食過之類

我體會到兩樣野
我嘅人物設定係一個普通學生 其他人唔會覺得我係陌生人
仲有我呢d 90後mk仔 真係唔係好識同00後女仔溝通 diu...