我一定會拯救你地: E

前一日咩都做唔到
又開始左新嘅一日

打開眼 一樣係課室 而家應該已經係小息時間

我離開座位之際 有個人衝埋黎撞到我成個人跌左落地下

屎忽落地 好痛






條友撞完我之後 理都冇理 不顧而去
頂 好痛 我準備爬返起身
突然有一把好溫柔嘅聲線 問我：「你有冇事呀？」
我抬高頭 眼前呢個女仔 睇落好瘦好柔弱
佢準備伸手拉返我起身 有一瞬間我仲擔心佢拉唔拉得郁我

佢開口話：
「放心喎 我同人係海邊拗手瓜 30分鐘都輸唔到」

佢拉左我起身之後 我同佢點個頭 同佢講左聲唔該





「喂 海欣 行啦 我地唔等你喇」
有幾個人催促呢個女仔 應該係佢d friend

佢笑笑口話：「你無事咁我走喇 下次小心d喇」

我視線冇辦法係佢身上移開 直到佢完全走開到見唔到為止

我回過神，諗左諗 佢d friend點叫佢話？
係咪 海...海欣...？！






難得今次係有觸發事件 應該可以正常同對方溝通

所以趁放學之前 我行埋去海欣個位

我： 「Hi，頭先唔該哂你」

海欣：「Sorry. 你係邊個？？」




Ok 全劇終。








我一時之間唔記得左原來對方有呢一招

其實係game同佢玩左2年 佢有時都會問我係邊個泥


我嘗試解釋返佢知 我係頭先跌低左嘅同學仔

佢嘅反應係:「係喎 因為我冇留意你個樣 hahaha」

不過都因為咁 所以開左話題 傾左一陣

放學嘅時候佢仲揮手同我講byebye





Day 3 就咁落幕