朋友身份: 地下情 I

「你幾時得閒呀？」

「呢排都忙呀，我得閒再同你講啦。」

「你已經忙咗兩個禮拜啦，仲未搞掂咩？」

「呢排上莊好多嘢搞嘛，遲啲請你食返餐好架啦！」

「你話架。」



「唔講住啦，陣間再打比你啦。」

「好，拜拜bb～」

「拜拜～」

如果愛是有限期的，我相信我和她可以突破限期。

她是我第一個女朋友，緣分彷彿就像追著我，一但點燃了愛火，終將冇辦法熄滅。



她雖然很奇怪，約會的時候總是喜歡與平時的裝扮不同，是說希望和我在一起的時候能夠變得比平時特別。

這個理由其實挺好笑的，但我也認為很可愛。

我和她是透過一個大學迎新活動認識的，對於內向的我，她願意主動與我搭話，更加出乎意料的是我們興趣相投，一拍即合。

很快我們就在一起了。

我們沒有公開，她說希望能夠低調處理，我亦表示尊重，畢竟這是我們的事，根本毋須讓太多人去知道。



沒錯，只要我們幸福就夠了。

我一直都以為是這樣的。

直至到這件事發生...

「我有啲嘢想同你講。」我的大學宿舍室友說。

「唔係想宣布出櫃中意咗我掛，我唔會接受架喎，你知我幾愛我女朋友架啦。」

他面色一沉，搖頭表示：「我今日係好認真嘅。」

「咁係咩事？」

「係咁嘅，我見到你女朋友同第二個男仔出街喎。」



他是唯一一個知道我有女朋友的大學朋友，因為同房真的很難不暴露。

「唔好搞笑啦屌...」

「我係認真架。」

「你講乜撚嘢呀！」

我衝過去捉住了他。

「你睇下啦，雖然同平時個look唔同，但擺明就係佢，我呃你做咩。」

我接過他給我看的電話，顯示著一張照片。



是我的女朋友，和一個陌生的男人...

而且的確和平日的打扮很不同。

「點解佢哋會拖住...」

我在親眼目睹後，心臟彷彿要碎裂似的。

「我都話冇呃你啦，我係為你好咋，你同佢講清楚啦。」

我一語不發的坐著，不知道應該如何是好。