平行世界裏我們會好嗎？

「安靜———今日會有位新同學加入我哋，你介紹一下自己。」
「大家好，我叫車梓晴，你地可以叫我車車或者梓晴。」
今次已經唔知係我第幾次轉校，我已經麻木咗呢種感覺，我真係好唔明點解每一次搬屋，屋企人都要幫我轉校…
「梓晴，你坐最後角落頭個個位啦，記得落堂過嚟教員室搵我攞埋啲書。」
「知道…」
「你好呀車車，我叫郭文迪呀，叫我迪迪得架啦。」
「哈哈，好呀，咁佢？」
「佢係我死黨，佢叫程朗琛呀，唔使理佢架啦，佢成日都上堂訓覺但都保持到全級第一，有咩唔明記住問我地。」
「哦…好啦。」
坐我前面個個男仔叫迪迪，佢成日都笑騎騎咁對住我，莫名有種壓力，而坐我隔離嗰個…佢雖然成日都訓覺，但佢都幾吸睛，班上面既女仔既視線從未離開過佢。


隨着幾個月嘅相處，我哋三個已經變咗好朋友不過我都成為咗班上面嘅「班敵」。