雞仔聲表姐（全篇完）: 解釋
（8）解釋
睇咗Sandy拍嘅片，當晚發生嘅事好似有少少眉目…
到底係娛會？
定係強姦？
Chloe唔知。
煩惱時發現原來Johnny send咗唔少whatsapp俾佢，內容都係解釋無執屍、對佢造成困擾好抱歉。
但因為Chloe實在好煩，send返whatsapp俾佢：「我好煩，唔好send訊息俾我。」
Send完俾佢，再睇返之前同佢whatsapp對話，雖然都係普通內容，但直覺上佢唔似咁嘅人…
好煩呀！！
Chloe煩到毫無生氣，响屋企苦口苦面。佢細佬文進見到家姐咁，同佢講：「家姐，妳近排愁眉苦面，係咪有咩事吖？」
我有咩事？
點同得你講呀？
「無事。」
「真係無事？」文進雙手搭住Chloe手背講：「講我知，有事我一定幫妳！」
「我知妳錫家姐，我真係無事。」Chloe拍拍文進手背，對佢支持回應。
家人關懷令Chloe更煩…
可能見到細佬，諗起表弟…
諗起爆房事。
之後Chloe唔去諗，想忘記件事。雖然唔諗，但係始終件事發生咗。
睇睇月曆，經間遲咗成個星期。之前月經好準時，就算遲都唔會遲咁耐…
月經無嚟，我係咪有咗？
俾Johnny搞大咗個肚？
點算呀？
爆房事啱啱凋淡，又嚟大肚憂慮，一煩再煩搞到Chloe成個死哂。
我到底係咪有咗？
如果係，要點做？
如果有咗嘅唔可以拖…
唔可以避…
要揾返Johnny出嚟解決！
解鈴還須繫鈴人…
揾Johnny。
Chloe決定揾Johnny出嚟傾，Johnny見到Chloe約佢，即刻答應出嚟見…
因為佢好掛住Chloe…
好想見佢。
到咗約定日，Johnny首先到餐廳等佢。Johnny好緊張，就好似約去卡拉ok果陣咁…
當然佢知道性質唔同，上次係玩，今次係解釋…
解釋無強姦。
等一陣後，Chloe嚟到。Chloe煩咗一輪，食唔好瞓唔好，擔心強姦又擔心懷孕，神色明顯憔悴…
比起整電話時嘅佢，好似兩個人咁…
Johnny睇到好心痛。
點解Chloe會咁…
佢好苦？
Johnny望住Chloe，Chloe都望住佢…
而家嘅Chloe無怨恨，只有担憂。
Chloe行到埋嚟，Johnny同佢打招呼，Chloe就點頭回應。
「坐吖。」Johnny幫Chloe拉櫈，Chloe坐低無講唔該…
平時嘅佢唔會係咁。
坐低之後望住Johnny，Johnny俾佢望到一時開唔到口，唔知應該講乜。
對視一輪後，Chloe首先開口：「我約你出嚟，係有啲事想解決…」
「好，妳講喔。」
Johnny望住Chloe叫佢講，又輪到Chloe唔知點講…
問佢果晚嘅事？
講可能懷孕嘅事。
我…
原本Chloe約Johnny出嚟，係想講清楚…
但又開唔到口。
Chloe啞口無言，Johnny講：「妳想講果晚嘅事？我真係無強姦妳。果日係…」
Johnny一講，Chloe就掩住額頭垂低頭，另一隻手揮手示意停口：「我睇返片，知道係我拖你去爆房…」
「知道你問過我住邊，想送我返屋企…」Chloe講：「可能真係我叫你做愛、叫你內射…」
「但係內射我，有無同我着想過？」Chloe雙目怨恨，語氣有怒火！
Chloe咁講，Johnny唔識辯解，只有講：「對唔住。」
聽到Johnny講對唔住，Chloe又堀住佢。
兩個無聲對望，對望一陣後Sandy巧合路過。
「妳哋拍拖？」Sandy歡天喜地搭住Chloe膊頭，但Chloe無反應，仍然同Johnny僵持。
Sandy見勢色不對，就講：「妳哋講數？」今次Chloe回望Sandy，無出到聲。
收到Chloe眼神，Sandy就同Johnny講：「你𡁻完鬆呀？」
「唔係呀，唔係呀！！」Johnny好緊張咁講。
「咁即係一腳踏兩船喇！」
「無呀，我得Chloe一個女朋友咋！」
「哩樣唔係，果樣又唔係…」Sandy講：「唔理你，總之你聽住，Chloe係好女仔，妳唔可以蝦佢！」
「唔會，我會錫哂佢。」
「Chloe可以飛你，你唔可以飛佢！」
「我保證唔會飛佢。」
「你咪耍我，俾我知道你恰Chloe，我揾人斬死你！！」Sandy抽住Johnny心口，另一隻手緊握拳頭對住佢。
Chloe聽到佢哋講嘅嘢，就同Sandy講：「交俾我處理喇。」
「妳ok嘛？」
「Ok。」Chloe攬一攬Sandy：「Thank you。」
「唔駛客氣。」Sandy走前再同Johnny講：「你記住呀！」
「知道，知道。」Johnny講完，Sandy真係走咗。
淨返佢哋兩個，又一陣沉默。
「我月經遲咗，仲未嚟…」
「月經遲咗？」聽到咁講，Johnny有啲愣然。
「係，我聽日會去驗孕，有結果再通知你。」Chloe企起身想走。
「幾點去驗？」
「哦？」Chloe問：「你問嚟做咩？」
「我陪妳去驗。」
「聽日只係驗，未有咁快知。」Chloe講完就轉身，一轉身Johnny講：「就算只係驗，我都會陪妳一齊去。」
「妳要驗，都因為我。」Johnny講：「我會負責，我會好好對妳。」
會負責…
會好好對我？
「氹女仔說話，我唔受。」
「唔係氹女仔說話。」Johnny講：「我係真心對妳。」
Johnny真心對我？
如果佢只係想呃蝦條，咁佢呃咗喇，無需要陪我去…
如果係咁…
「聽日11點，尖沙咀博士樓1105號鋪。」
Chloe講完就離開，Johnny响佢背後講：「收到，我聽日會同妳一齊去。」
同我一齊去？
真的嗎？
Johnny哩個行為，令心煩嘅Chloe添上一點溫暖。
（8）解釋---完