因為EX 我成為左一個禿頭嘅毒撚 然後遇到一隻猫: 38. 無人之境

「Leanne，其實係大學果陣，我就已經好鍾意你，當初答應你比你嘗試撮合我同Cindy，都係想藉機同你有更多接觸可以同你混熟d。雖然我知機會好微，但我就一直等緊我地可以發展嘅機會，可惜最後等到嘅只係有日你突然同我講你有左男朋友…果陣雖然我知唔可以怪你，但我真係好唔開心…由果刻開始，你成為左我嘅一個夢。
 
過左幾年後，我無諗過會同你成為左同事，果刻我其實好開心，以前果種心動嘅感覺亦再次無聲地出現返。但因為各種原故，我一直好克制自己，直至有日我無意中見到你係公司喊，然後同你有左衣個同你二度成為好朋友嘅機會。每次同你一齊我都好開心，開心到明知唔岩但我都控制唔到自己越陷越深，所以頭先聽到你話鍾意我，我真係好開心同時又唔敢相信覺得自己只係發緊夢… 曾經你係我嘅女神，係我一個夢想… 而衣家衣個夢想竟然有可能化為現實，我唔想就咁放棄…」我將自己對Leanne一直嘅愛意講晒出黎。
 
「咁可以點? 你同你未婚妻分手? 我相信你唔會我亦接受唔到自己拆散人地…」但Leanne仍然保持住理性。
 
「但如果我放棄衣個機會我衣世都唔會原諒我自己… 所以我有個好自私嘅提議…」我忍唔住將Leanne拉入左自己嘅懷抱。
 
「咩提議?」Leanne無拒絕但亦無回抱我，只係比我攬住左咁問。
 


「係我結婚前衣四個月，我地試下一齊，當留返個開心嘅回憶比大家，然後我地就分開，唔再打擾大家嘅生活。」我自己都覺得自己好pk好自私，但我都係照樣提出左衣個咁嘅方案。
 
「咁係唔岩架… 而且明知唔會有結果，咁又何苦呢?」Leanne果然唔會答應。
 
「雖然係無結果，但我地可以有過程，而衣個過程我相信會足夠我地回味一世，等我地唔駛留有遺憾.. Leanne，求下你唔好拒絕我啦，唔係我衣世都會有遺憾，衣世都會唔開心架…」我攬得佢更實希望佢唔好say no。
 
Leanne:「但我說服唔到自己… 」
 
「唔好理咩道唔道德。你只要問你自己鍾唔鍾意我，想唔想同我一齊?」我逼問佢。
 


「我想… 但係我知我唔應該咁做…」Leanne仍然為難咁拒絕。
 
「四個月啫…你唔會破壞到我地所以唔駛內疚… 」我繼續厚顏無恥咁想說服佢。
 
「但咁真係有意思? 最後咪又係只會換黎痛苦?」Leanne眼神開始越黎越迷茫。
 
「如果你真係鍾意我，無論我地有無一齊都註定會痛苦…你無聽過做左後悔總比無做後悔好? 就算痛苦，至少我地第日唔會有遺憾，唔會後悔當日點解無咁做… 我知miss左衣次機會，我衣世都唔會開心，衣世都會後悔…. 我知我好自私，但求下你啦!」估唔到我竟然會用返Mabel曾經同我講過嘅野去求另一個女仔同我一齊，真係好諷刺。
 
「我…」
 


我無再比佢講落去，因為我已經忍唔住用自己個嘴唇封住左佢個嘴唇，我真係好驚聽到佢say no。
 
佢初初想推開我，但我知我衣一個吻令佢本已經亂到唔太思考得到嘅腦袋直程斷線完全失去左運作嘅能力，佢開始越推越細力，然後慢慢主動回應返我。
 
「好… 只係衣四個月，之後我地要一刀兩斷…」
 
唇分後， Leanne面紅紅咁講道。聽到佢嘅答案，我又忍唔住再次攬實左佢，而今次佢雙手亦放左係我背脊回抱返我。然後我就同我昔日嘅女神係月光嘅見証下熱吻左好耐好耐。
 

讓理智在叫著冷靜冷靜 還恃住年少氣盛
讓我對著衝動背著宿命 遺忘自己的姓
沉睡的凶猛在甦醒 完全為你現形
這個世界最壞罪名 叫太易動情 但我喜歡這罪名
 
驚天動地 只可惜天地亦無情


不敢有風 不敢有聲 這愛情無人證
飛天遁地 貪一刻的樂極忘形
好想說謊 不眨眼睛 這愛情無人性
 
若世界陷進大騙局裏面 朋友亦難以發現
共你隔著空在秘密通電 挑戰道德底線
如若早三五年相見 何來內心交戰
我信與你繼續亂纏 難再有發展 但我想跟你亂纏
 
驚天動地 只可惜天地亦無情
不敢有風 不敢有聲 這愛情無人證
飛天遁地 貪一刻的樂極忘形
好想說謊 不眨眼睛 似進入無人境
 
即使間整個約會情調幽暗似地下城


還是算溫馨 多麼想跟你散步橋上把臂看著風景
但是我清醒 月亮總不肯照亮情慾深處那道背影
你我像快快樂樂同遊在異境 浪漫到一起惹絕症
 
不想說明 只想反應
 

背景音樂又再響起，天上嘅我望一望貓仙人但就無出聲，因為望住自己同昔日女神係咁靚嘅夜景下熱吻再聽住衣首歌，實在太有feel。其實貓仙人有無諗過自己可以去做DJ?
 
衣晚返到屋企我仍然唔太敢相信岩岩發生嘅事，Leanne竟然鍾意我仲答應做我嘅secret lover?不過正當我仲回味緊岩岩發生嘅事果陣，電話突然響起。
 
「Mabel? 」
 
Mabel:「Honey~返到屋企嗱? 做咩近排成日攪到咁夜呀? 」
 


「係呀，公司近排幾個大project要跟，不過攪掂今年條數就無問題lu。等出埋bonus就夠錢比我地個酒席喇~」我略帶心慌咁講。
 
Mabel:「辛苦你喇… 不過唔好捱得太辛苦呀，我唔想我老公結婚果日個樣殘晒~ 聽日我煲湯拎黎比你飲滋潤返下呀~」
 
我:「多謝老婆仔~」
 
Mabel:「咁快d沖涼去訓啦~」
 
我:「你都快d訓喇~ Sweet dream~」
 
同完Mabel傾電話，心入面不其然有種內疚嘅感覺。但電話一震，我又見到Leanne嘅message。
 
「返到去未? 」
 
我:「返到喇，你快d訓啦，我沖完涼都訓架喇。 」


 
Leanne:「知道~ 想同你講衣段時間我真係好開心，希望我地彼此可以好好珍惜屬於我地嘅衣四個月(心心)。 」
 
我:「我都係~ Sweet dream!」
 
Leanne:「It will if you are there~」
 
估唔到咁短時間內我會同各自兩個女人講sweet dream。而睇見Leanne嘅message，我個心連同岩岩嘅內疚感好快就一齊被溶化，然後被滿心嘅喜悅所取替。