好人卡太多 所以愛神憐憫我?: 2.5

 
「所以你嗰時點同婆婆講…? 」
我地坐緊巴士，諗住去附近商場行下。
 
「冇乜點，我解釋左幾句佢就明啦。你婆婆幾精靈啵。」
 
「我婆婆以前好勁嫁…因為我公公比較早就唔喺度，所以婆婆佢就獨自養大左我媽咪同舅父…聽講佢以前老虎都可以打死隻呀哈哈…」呀蚊苦笑
 
「哇，咁到時如果你婆婆知道我地唔係真係一齊的話，我咪死得…」
老虎都打死隻有冇咁屈機…




而且加埋有婆婆遺傳既Miss Cheung…
我諗之後我既下場一係車裂一係就分屍嫁啦…
 
「可能嫁哈哈~ 咦！話說頭先婆婆講咩要我地影相，咩黎嫁？」呀蚊望住我側側個頭
 
「係咁既…你婆婆話想見到我地幸福既証明喎…所以就叫我地每次探佢既時候都要帶相比佢睇，還佢老人家一個心願…」
 
「乜你咁嫁…落多幾錢肉緊去氹婆婆呀嘛…話我地唔想比人發現我地拍緊拖咪ok囉…」
 
「哇小姐知唔知你婆婆嗰時幾聰明，仲要知乜野係whatsapp Iphone啵，好彩我聰明先可以瞞天過海喳。」




 
「嘻！係啦係啦，知你聰明啦呀明大爺。」
 
「係喎…點解你嗰時無啦啦叫我老…老公？」
我幾時多左個老婆…
雖然相處起黎呀蚊都幾唔錯，又孝順。
 
「哼！我就唔同你啦！你知唔知我花幾大心機去說服我媽咪！」呀蚊嘟起個嘴
 
「係啦係啦…我輸…咁跟住呢…？」




 
「ummm…真係想知…? 」
 
「講啦小姐…」係度釣我胃口..
 
「我同媽咪話我真係好愛呀明，話冇左你我一定讀唔好書，而且呀明佢又『好人』又肯『幫人』，我真係唔想離開佢…之類既野囉…」呀蚊塊面泛紅
 
「小姐你係咪串緊我…? 」
好人…我真係好好人…
好人到d好人卡就快追到聖誕卡甚至生日卡…
幫人…幫你做假男朋友呀嘛…
 
「哼！我好認真嫁！」呀蚊叉起對手
 
「係…係…唔好嬲…」死啦我講得太白




 
「哼！」
 
死啦…
女朋友嬲應該點呢…
我即刻翻閱自己同班老死Happy Hour既記憶…
靈機一觸！
 
「老婆大人…唔好嬲嬲豬…我知錯啦！我以後聽晒你話唔再激你啦！」
 
「哼…嘻…好肉麻呀你…聽邊個講嫁…唔似你啵會咁口花花…」呀蚊忍唔住笑左出黎
 
「唔好提啦…」
死啦…
我講左出黎先知自己領野…




我既形象冇晒啦…
 
「哈哈哈…好啦…見你做到咁，就請我食番杯雪糕補番數啦！」
 
「好…」我死死氣咁答
 
David…真係多得你…