我同Judy番緊佢嗰時冇講過任何野。
可能對於佢黎講好想靜靜地享受依一刻;
但對於我黎講只係想快d見到呀蚊…
因為只要一見到佢…
我背後就唔再洗一直被嗰兩團肉擠壓…
搞到我成日分心…
 
唔知係我踩得快定點,
好快就同左呀蚊佢地會合。
而Judy當然已經冇再攬住我…


 
Judy同呀蚊佢地講話只係自己唔識路,
加上我唔知去左邊…
所以就踩錯路…
至於架車…就冇再追問落去…
 
我當然只可以死死氣食左隻死貓…
話自己大頭蝦唔記得左Judy…
而我同Judy既真相只會石沉大海…
 


……

 
星期日,實在太好。
對於每個人黎講,星期日係個合家歡騰既日子。
鐘意訓多陣就訓多陣,
鐘意同女朋友出街就出街,
唔洗再被上司或者學業搞到自己死死下。
 
Judy有句野一直盤旋係我個大腦入面…


幸福係要自己爭取…
時間真係要好好珍惜。
 
諗左無耐,就打左電話比呀蚊。
 
「Hello呀蚊。」咁快就接通左
 
「哈囉呀明,搵我做咩呀?」
 
「冇呀,想問你得唔得閒姐。」
 
「我今日成日都free呀,做咩?」
 
「呀蚊…我地作為一對情侶…如果唔想被Auntie同你婆婆懷疑…係咪應該做d野呢?」我問
 


「咦!係喎!應承左婆婆要比佢睇我地d合照,而且我媽咪成日質疑我點解明明拍緊拖地唔出街…」呀問開始躊躇
 
「咁不如今日出黎?帶你去一個好玩既地方。」
 
「又好。」
 
好彩有呀蚊婆婆既加持,我可以有個藉口叫呀蚊同我一齊出街…
而且…今次都算真真正正既拍拖啦…
因為唔會再有任何人阻到我地…
 
「Yosh~呀蚊!我黎啦~~~~~」我好似傻左咁喺自己間房度大嗌