好人卡太多 所以愛神憐憫我?: 6.4

我地坐左陣，影左幾幅相。
等呀蚊件衫乾到七七八八唔會再比人睇到入面嗰時，
我地就向下個目標進發。
 
「哇…真係…真係要玩呀？」呀蚊把聲震震地
 
「唔洗驚既，依個已經係最light嫁啦…」我指住面前既過山車
 
面前既係冰極天地既過山車，
好似叫做極地時速定咩極帶快車。


不過算啦，懶得理，有得同呀蚊玩就得。
 
「但…但係…」呀蚊欲言又止
 
「唔通你之前話咁少黎依個既原因就係…」
 
「嗯…我好怕嗰種離心力…」
 
「放心啦呀蚊，你一定得既。教你啦，只要到時玩緊既時候盡情嗌，唔好抑壓住自己既情緒。嗌就可以將一切恐懼拋諸腦後嫁啦，同埋記得擘大眼啵。」
 


「下…」呀蚊仲驚驚地
 
「仲有…有我喺你身邊…冇野值得怕啦，係咪先。」我對呀蚊做左個鬼臉
 
「嘻！自戀！好啦就試下！」呀蚊笑左出黎
 
我帶呀蚊坐左去過山車最前既位置。
以前我都唔鍾意坐前面，因為始終淆淆地。
但既然呀蚊喺我隔離，我就要同我一切克服！
 


「哇…咁激…」呀蚊無奈咁望住
 
我冇直接回答呀蚊，只係用笑容代替多餘既話語。
 
啊…啊…
啊…啊…
 
其實依邊個過山車真係唔多激，
又短又唔緊張，
都係鍾意冇腳踏嗰個。
 
啊…啊…
啊…啊…
 
呀蚊依然係度嗌…


我望望佢，見佢依然合埋眼…
 
我把心一橫，將我隻手放上去呀蚊隻手度…
慢慢緊握住佢…
呀蚊震左震…然後回眸一笑…再點一點頭…
 
啊…啊…
啊…啊…
 
呀蚊依然喺度嗌，
但佢身體已經冇再震，
對眼亦都欣賞住眼前既景色…
當然，我地對手依然冇離開過彼此…
 
「哇…」終於完左個咁鬼悶既過山車


 
「恭喜你呀呀蚊！」
 
「嗯…我成功左啦…多謝你呀！」呀蚊突然攬住我
 
呀蚊身體傳來一陣清香，真係好舒服…
但我知道，呀蚊依個擁抱唔同Judy嗰個，
依個攬攬只係代表慶祝、開心。
但Judy嗰個就係情侶之間嗰種…
不過…我都已經好滿足。
因為，我已經遇見了對的人。