好人卡太多 所以愛神憐憫我?: 7.1 徹底的真相

「蚊…我真係好愛你…」
 
「明…我都係…」
 
我地互相撫摸，
舌頭同舌頭彼此尋覓對方，
生怕對面會離開自己。
我把她緩緩推到床邊…
準備好好享受當下彼此的愛。
 


「可唔可以？」我問
 
「…」
 
「呀蚊…? 」
 
「…」依然沒有回應
 
突然，一陣冰冷違和感從皮膚從入我大腦…
我擘大雙眼，發現自己身處異地，


周圍都好黑。
 
「daddy，嗰個人醒左。」一把女聲出現
 
「你係…邊個？」嗰女仔好熟口面，帶比我一陣既熟悉感
 
「…」佢冇回應我，只係笑左笑，就行走左
 
我嘗試走近佢，
先發現自己原來被縛手縛腳，


想郁都郁唔到…
睇黎…佢同佢呀爸並非善男信女
 
良久…
 
「老世、老世！」不遠處傳來一陣陣恭敬既聲線
 
「放佢落黎。」男子身型健碩，睇黎真係惹唔過
 
「我…點解要捉我…? 」我問
 
「一句講曬，想要幾多？」男子依然目無表情
 
「咩意思…? 」我真係唔明
 


「要比幾多你先可以離開呀蚊？」男子單刀直入
 
呀蚊…?
唔通依個人係佢老豆…?
但…但係我未聽過佢既存在…
而且頭先嗰女仔好似叫佢做老豆…
唔同嗰個係呀蚊？！
唔怪得咁熟悉。
 
「對唔住Uncle，我係真心鍾意呀蚊！」我眼神堅定
 
「哦？！你知我係邊個？」男子若有所思
 
「我估…你係呀蚊既爸爸，希望世伯你可以…可以比我同呀蚊一齊！」
 


「憑咩我信你？」男子追問
 
「我對呀蚊既愛！」
 
男子大笑三聲，好似嘲笑緊我對呀蚊既愛。
 
「daddy，佢好似真係唔係因為你d錢而埋呀蚊身喎…」頭先個女仔又出現
 
「呀蚊？！你係咪呀蚊！」我吶喊
 
「呵呵…我係呀Me，亦都係呀蚊既家姐。幸會啵，呀明。」呀Me笑得有d奸
 
「細佬，我問多你一次。你真係唔知我係邊個？」男子問
 
「呀蚊既爸爸囉…」做咩又問同一個問題


 
「好…既然你對呀蚊唔係因為錢的話，我比你一個月。一個月既時間去同佢分手，而且唔可以再見！」男子眼神凌厲
 
「點…點解？」我問
 
「唔關你事，總之就做。呀Me你帶佢出去。」
 
「知道…」呀Me又再對我笑
 
呀Me解開左我雙腳同雙手既束縛，就引領我離開依個好似監獄既地方…
 
「呵呵…呀明…我妹妹得到既野我都要得到。因為daddy話我知冇野我地係得唔到同控制唔到…」呀Me語出驚人
 
究竟…依個係咩家庭…
點解會無啦啦就捉左我又話比我一個月既時間去同呀蚊分手…


呀蚊…
呀蚊…會唔會因為我突然唔見左而覺得慌張…
呀蚊…我好想見你…
一分鐘…都唔想離開你…
我唔會…同你分手！