好人卡太多 所以愛神憐憫我?: 8.3

講真個句，
我好欣賞Judy比我拒絕到咁都唔放棄，
而且對於一個女仔黎講仲有咁既勇氣…
或者之後對住呀Me同佢既老豆，
我都要拎出相當既氣魄出黎。
 
然而，我只係尊敬Judy…
但我對呀蚊既愛…
係唔會動搖…
 


「對唔住…我地永遠都係好朋友。
我認真的，因為我覺得你係我可以依賴既一個人。
即使我地戀人未滿，如果愛神戀惜我地的話，之後或者來世應該會比個機會我地。
你並唔係及唔上呀蚊，而係我已經中左呀蚊既毒咒。
我依一生一世都唔可以離開佢。
Judy，或者作為一對好兄弟…
我地更加適合。
Judy，多謝你…
比左我咁多美好既中學回憶同教左我咁多野。
Judy，不如，比次大家做好朋友好唔好？


我地一齊努力建立屬於我地6A既私人回憶…
Judy，你肯唔肯幫我？」我鼓氣勇氣，將我心入面最想講既野都講左出黎
 
「…」迎接我的答案依然是她的哭泣聲
 
「Judy…如果真係唔得的話，我地可能只可以分道揚鑣…為左大家好…」
 
「嗯…嗯…我…應承你…」Judy既眼神話比我知佢並冇講大話
 
「咁…不如拗手指尾？」我問


 
也許，彼此打開心靡，互相訴說自己的期望…
可以令到原來注定「戀人未滿」的事情變得更加完美…
只要以心聲代替無謂的場面話，他...她定必感受到自己的誠意與祈盼。
 
「好呀！哈哈！」Judy舉起右手，面上掛住既笑容從未試過咁燦爛
 
「多謝你…」我同她拗手指尾
 
Judy…多謝你…
多謝你帶比我既回憶…
Judy…多謝你…
多謝你帶比我既勇氣…
Judy…多謝你…
多謝你對我既愛意…