好人卡太多 所以愛神憐憫我?: 8.6

隨住音樂既完結，
我地班既池邊啦啦隊就完左。
我跳成點？我可以同你講絕對有職業dancer既質素…
當然，信不信由你。
 
之後，睇埋daivd嗰班既舞，
就完左成個啦啦隊比賽，
大家都好期待最尾邊個贏，
不過就要等番結幕既時候先知。
 


之後抖左一陣，
我就聽到「女子A組100米自由泳第一次召集」。
我即刻由廁所衝上看台，搵下呀蚊係咪度。
如我所料，呀蚊正正準備拎佢件泳衣去換衫準備。
 
「嗱！呀蚊！加油啦！」我行近呀蚊
 
「嘻！知啦！拎左第一有冇獎先？」
 
「如果你拎到第一，我都拎番個金牌送比你！」


 
「車，有乜用喎…」呀蚊扁嘴
 
「男同女嗰個牌唔同嫁嘛，可以留番比你做記念…」我解釋
 
「好啦咁，應承我嫁！」呀蚊答案
 
「嗯！」
 
其實，本身我都係借d椅搵佢傾下計同比d動力佢，


點知佢游水既速度真係令人O晒嘴…
贏第二差唔多成兩個身位…
除左佢游水既速度令人驚異之外，
佢玲瓏浮突既身材喺泳衣既少少遮掩下更顯性感誘人…
而且佢上水既時候唔單止佢濕晒，
在場好多男仔都應該同時濕晒…
尤其是嗰d拎住望遠鏡既死狗公…
不過呀蚊既波濤凶湧，實在令人嘆為觀止，誘人犯罪…
 
不過…佢拎到第一既同時…
亦都象徵住我要拎到金牌…
如果唔係…我就係個唔守承諾既男人…
為左呀蚊…我連跳舞都克服到…
游水鬥快依家野又點會難到我…
 


依顆決心一直喺我既心燃燒，
直至我聽到「飛魚王子」既名號…