好人卡太多 所以愛神憐憫我?: 8.8

「On your mark！get set！GO！」終於開始殘忍既撕殺
 
一開閘既時候，
位於三號線既我、四號線既David同埋七號線既路人甲順利帶出。
 
頭二十米既我依然可以跟得上David，
但我周不時聽到既「飛魚王子我愛你」實在太煩膠，
令到我開始心裡面冷靜唔到，
踢水踢得開始亂…
 


我游到就快掂池黎個鯉魚反身既時候，
David已經開始顯出佢既功價，
一個近乎完美既轉身令到我同佢既差距開始明顯。
 
當然，我係唔會咁快放棄，
我三爬兩撥就轉番個轉身，
希望追得番我同David既差距。
 
可惜既係，
唔知喺佢如有神助定真係實力既差距，


我點追都追唔到…
我心入面開始有絲毫既動搖…
 
轉左銀曦彎，入左條大直路既時候，
已經變左係我同David既鬥爭，
路人甲當然已經落後我地好多…
 
「頂…依個David真係唔留手…」我心諗
然而，嘈到爆既打氣聲已經打斷左我既思緒。
 


作為壓軸比賽既男子100米自由泳當然極受歡迎，
事關完左依項賽事就係揭曉誰勝誰負既時刻。
 
雖然係嘈到爆…
但我依然聽唔到一句類似「呀明，加油」既物體，
反而圍繞住我耳邊既係「飛魚王子加油」，
令到我開始氣餒。
 
「唉…冇啦今次…」我心諗
我同David既差距已經變成一個身位…
 
「呀明加油！呀明加油！」
我聽錯？！
「呀明加油！呀明加油！」一堆男人聲傳入我既耳窩
咦，真係有人為我打氣…


我仲以為班粉皮兄弟喺度打機溝女而唔理我同David之間既決戰。
「呀明加油！呀明加油！」
咦…依把聲…未聽過既…
咪住…依把咪Judy既…嗰把都係我個班d人黎嫁啵…
「呀明加油！呀明加油！」
依把聲…喺呀蚊！
唔通…成班都支持緊我？！
 
唔係講笑，
有人同你打氣的話，
你會覺得自己唔係孤獨，
因為一來有人care你，
二本自尊心唔會容許你失敗。
這就是友情和愛情的力量
 


我游得越黎越起勁，
已經開始追貼番David。
唔通我會得！？
 
…
…
 
「勁啦呀明，游得咁勁…」David伸出友誼之手
 
「David你真出盡力嫁喎…」我冇氣同佢嘈
 
「喂！我好攰，有冇興趣喺池邊攤下屍…」肥仔Tommy問
 
「樂意之至！」David同我都和議
 


「遲d再決過勝負呀…呀明…」David講
 
「我邊有連續兩次咁好彩呀…」我答
 
的確，運氣依家野唔會連續咁黎，
難得我同David一齊掂池，
我仲要求d咩呀…