好人卡太多 所以愛神憐憫我?: 9.1 相戀的違和

送完呀蚊，
番到屋企已經差唔多兩三點…
真係就攰死我…
不過抵既，至少我可以錫左佢一啖。
唔知係我太興奮定太攰，我極速就訓左…
 
……
…
 
太陽從窗外恨恨咁射入黎我個床頭，


搞到我冇覺好訓，
無奈既我只好起身洗面刷牙…
 
叮、叮
 
「感謝你送我回家 :) 」呀蚊whatsapp我
 
「唔洗…你隻醉貓點呀…有冇見頭痛…琴日飲得咁多。」我覆
 
「很好多了~ 昨晚你大概沒佔我便宜吧？」句尾附上左一個笑喊既符號


 
「緊係冇啦。」我口裡說不是
 
「嘻！開個玩笑而已~ 對了！今晚你有空嗎？」
 
「得呀，做咩？」
 
「探我婆婆…」
 
「冇問題，咁到時見啦。」我送左個露齒笑比佢


 
「嗯…謝謝你。」
 
「傻瓜！你由琴晚開始就係咁多謝我啦啵…」
 
「嘻！總之晚點見！」
 
所謂酒口吐真言…
明明之前呀蚊冇係咁同我講多謝嫁啵…
唔通有d咩事…？
 
唉…算啦…太多疑啦我…
一陣都係執正d先話晒見家長…
 
而且重點係…呀Me喺度…


我一定要搵到個機會同佢講野…
希望佢幫我勸下佢老豆…