或者我可以試下用口術…
「先生,冷靜d先。一來依度係商場,大把人觀戰;二來除左會有人証,仲有物証。」我從褲袋拎出手機
 
身為香港人,當然不能身先士卒。
理應用手機拍片然後upload上youtube,
可以對對手做成-100hp的傷害,直接秒殺。
 
果然,拎左部手機出黎之後,
mk們即刻有所豫疑。
而且手機唔係我既秘密武器…


我地若果有乜事的話…
只要呀Me一聯絡佢老豆,
我相信數千精兵可以圍倒依四位MK仔。
然後用口水將佢既細佬「擊倒」…
 
「係呀!唔好過黎呀!一睇就知你JJ短啦!」呀Me一句話將我從ff入面拉出黎
 
「你嗡乜春呀妹妹仔?」「上!」「捉到佢我要姦爆佢!」MK們突然峰湧而上
 
哇…


依個時候一定要用三十二計…
「走為上著」…
 
我即刻拖住呀蚊隻手從戲院跑出去,
而mk仔亦都拔腿就跑,
好彩既係佢地唔係跑得快…
 
「頂…頂你…呀Me你無啦啦做咩辣慶人」我邊跑邊問
 
不怕神一般的對手,


只怕豬一般的隊友。
 
「我上網…睇到人話鬧男人…最好既方法就係話佢地jj短呀嘛!」呀蚊邊跑邊答
 
「咩網呀頂…」我追問
 
「高登囉。」
 
我屌左一聲,就冇再理呀Me,
專心望住前面有咩地方可以擺脫後面緊貼既mk仔。
 
跑左大約5分鐘左右,一個警察都冇…
而且冇一個人幫手…反而個個係度指住話:
「哇!好靚女呀。」
「咁靚女一定拍劇緊嫁!」


「一定係啦!唔好阻住人啦!」
 
我望左條街面一眼,暗覺中伏。
 
「竟然入左師奶街,失策!」
 
「咩話,你講咩呀?」喺我後面既呀Me問
 
「叫你跑快d!」
 
後面mk仔越走越貼,
比佢地捉地唔單止我死得,
呀Me應該仲慘…
一定要…爆出重圍!