好人卡太多 所以愛神憐憫我?: 10.2

「呀明你冇事呀嗎…？」那是一把我愛的聲音
 
「你之前喺海洋公園咪話應承過我可以做一件事…我要你醒番呀…」依舊是她的聲音
 
我慢慢擘開眼，
隨之映入眼簾既係白色既天花板…
同埋一陣藥水既臭味…
 
「呀明！你醒番啦？」那個女孩問
 




我側頭一睇，發覺呀蚊坐左喺我隔離，
而我正正就訓左喺醫院既床上。
 
「呀蚊…」
 
「嘻…呀明…終於見得番你…」呀蚊突然雙眼通紅
 
「傻瓜…我小小傷姐…」
我比mk仔打成咁真係太失霸氣
 




「小小傷？！醫生話你多處骨折，要休息番一個星期喎…」呀蚊開始緊張
 
咪玩啦…mk仔又點會打到我骨折…
 
我嘗試起身，點知多陣穌麻既感覺從多處傳過黎…
包括我既胸、腹、手、腳等等…
我第一個既感覺…
從O嘴變成左WHAT THE FUCK?!
 
「邊個送我入黎嫁？」我問




我內心多處浮起疑問
 
「唔知吖…我聽到個電話，入面把女仔聲話你有事瞓左喺依度，我就即刻趕過黎…」
 
「我瞓左幾耐？」我心入面有種不祥之兆
 
「一日幾…」
 
我心入面已經開始知道唔係d mk搞到我咁，
係嗰個黑衣人…
但呀Me應該唔會伏我…
唔通係…
 
不過，依一刻最重要既都係安慰呀蚊…
 




「放心啦呀蚊…我一定會好快冇事。」我微笑
 
「呀明你…嗚嗚…你知唔知我聽到電話嗰時我幾驚…」呀蚊終於喊左出黎
 
「我明…」奈何我既安慰技術實在太廢
 
「仲有呀明…你知唔知我好大壓力…嗚嗚…
我喺學校其實好大壓力…我以為…我以為班會主席唔難做…
點知…我其實唔單止享受唔到…而且我好驚如果我做得差…
同學之間題關係會再次爆裂…
 
呀明…你知唔知我從細到大冇經歷過真正既家庭溫暖…
直至婆婆搬番黎屋企…嗚嗚
但…但係依家佢又喺同你一樣喺醫院度…
我好驚…我好驚失去你地兩個…




 
呀明…我…我就快撐唔住啦…
你要應承我…唔可以再咁…
我好想好想可以從你嗰度再次搵番嗰種比人愛既溫暖…」呀蚊崩潰
 
聽到呀蚊既獨白，我鼻頭不禁一酸…
以前我都明白呀蚊有壓力…
但估唔到比我想象既嚴重咁多…
或者我可以做既事唔多…
但係…我一定比到溫暖你…
一定一定要比到愛你！
 
「呀蚊…
我愛你…
為左你，我一定努力生存落去…




所以…你都要…為我生存落去…」我衝口而出
 
也許，這是一個最好的地方去跟呀蚊告白。
也許，這也是一個最好的地方去拎多張好人卡。
也許，我對妳的愛，會是一個最佳的治療方法。