好人卡太多 所以愛神憐憫我?: 10.5

我再一次去呀Me既屋企，
唔同既係上次我比人隔硬帶入黎，
而今次我就抱住覺悟入去。
 
我要你還我一個公道，
還我同呀蚊既自由戀愛。
 
「Xanthe，幫我叫daddy出黎。」呀Me同其中一個隨從講
 
我再次觀察周遭既環境，


依然係金壁輝煌，周圍都係畫同擺設…
唔洗諗閒閒地都要幾十萬一件…
成功…真的是靠父幹…
 
「呀明，你終於黎左。」
呀Me老豆從上層行迴旋型既樓梯落到黎，見到我即刻面上掛住好虛偽既笑意。
大概喺佢笑容既背後會係隱藏既殺意。
 
「Uncle你好。」我起身點頭以示尊重
 


「呀Me話你只係同佢做戲，目的只係為左唔想再比其他男人煩住晒。係咪咁？」呀Me老豆直言
 
原來呀Me話應酬既就係希望我扮佢男朋友…
唔想比其他男人煩住晒…
 
「係。放心Uncle…我心入面只有呀蚊。」
 
唔知係我睇錯定點，
呀Me聽到之後面色有d唔係幾好。
 


「咁你點解會帶呀Me去睇『一路向西』依套戲？仲有情侶位？」呀Me老豆眼神閃過一絲殺意
 
「唔係…依d全部係偶然…而且係呀Me要求睇…」我即刻解釋
 
呀Me老豆聽完之後望左呀Me一眼，似係度問佢真定假。
 
「係我叫呀明去陪我睇…因為我之前聽到daddy你同d同事話依套戲好睇嘛…」呀Me回應
 
「好…就當呀明唔係你既真正男朋友，咁點解要搵呀蚊既男朋友黎做戲？」
 
「正正就係因為佢係呀蚊既男朋友…所以我覺得咁樣唔會引起你懷疑嘛…點知你又以為呀明想左右每邊一個女朋友…」呀Me答
 
「就係咁簡單？」呀Me老豆問
 
「係吖…」


 
「咁死仔你有冇對呀Me有一絲邪念？」呀Me老豆追問
 
「冇！」我即刻否定
 
呀Me先係面色一沉，再問多次佢老豆信唔信我地…
 
「我先暫且相信呀Me…但?仔我叫過你離開呀蚊…已經就快一個月，點解你地仲拍緊拖！」呀Me老豆終於拉到我最關心既話題
 
「Uncle sorry…我唔會同呀蚊離開！我愛佢！我對佢既愛就好比Uncle你對呀Me既愛，甚至更多！」
 
呀Me老豆先係呆左一呆，隨之湧上既一陣黑暗既氣息。
 
「所以你想違抗我？」呀Me老豆正色
 


「咁點解Uncle你要拆散我地！我地真心雙愛！」我認真講
 
「哈哈哈！從來冇人問我點解…你問我點解？」
 
「有錢唔係萬能，你即使有權有勢都冇可能停止我對呀蚊既愛！」
 
「哈哈哈！死?仔果然夠膽，想唔想知道反抗我既下場？」呀Me老豆用凌厲既眼神望實我
 
「daddy唔好！我…我…你當為左我…成全佢同呀蚊啦…」
 
「點解你要幫佢？」呀呀Me老豆問
 
「因為…我有個線人…所以佢對呀蚊既愛我完全歷歷在目…甚至連我都比佢打動左…」
呀Me眼神蘊藏堅定既決心
「我估唔到有個男人可以為左自己既愛人而去到咁盡…


而且唔單止係對呀蚊…連對我依個女仔對保護有加…
呀明佢竟然肯用自己的身體去保護我…
遺憾既係…佢既心係我唯一一樣拎唔到既野…
daddy…你明唔明依種感覺呀…
我原來…不知不覺之間…愛上左呀明…」
 
他為了呀蚊可以深入虎穴，
她為了呀明可以挑戰權力。
然而，這一場三角戀，輸家永遠都只會是呀Me…
呀Me知道這場單戀根本不會有結果…
但是…她依然選擇守護他。
傷得最深的，原來就是呀Me…
一切一切，剛剛都已經傳達到呀明的心中。