那天放學後，我撞見有同學在學校後樓梯敦倫: 31 - 電筒監票

在幾十位同學的嚴密監察下，開票活動正在有序地進行中。

暫時選舉委員會開咗78%票，候選內閣“安榮”得票為373票，候選內閣“覺醒”得票為432票。內閣“覺醒”領先，喺成日開票過程亦都冇發現任何異常。

突然，整個禮堂的燈全部都關掉了。

頓時，很多人都不知所措，包括我和站在身邊的子芊。

此時，台長在禮堂中大叫：「大家開電筒！」





聽到台長發號司令後，我和其餘的十八個內閣“覺醒”監票員立即打開我們手上電筒的燈。

只見到在開票桌上，有三個同學正在鬼鬼祟祟地蹲下，他們抬頭看見我們的手電筒燈，一副驚惶失措的樣子。

此時台長再一次大叫：「你哋唔係開緊票㗎咩，繼續開票啦！」

負責開始的同學繼續開票程序，但他們臉上多了一份驚慌和不安的心情。

最後開票結果出爐，內閣“覺醒”有驚無險地當選，候選內閣“安榮”得票為468票，候選內閣“覺醒”得票為548票。





點票結束後，內閣“覺醒”和我們助選完一起到達多媒體室，台長請我們一人喝一包檸檬茶，以感謝我們這段時間的助選努力。

其中，學生會內閣秘書詢問了台長一個問題。

「點解你會好似預先知道今日會停電咁，叫我哋帶埋電筒入去。」

「我就唔係先知，當然唔會預知到發生咩事。但係有啲人就唔同啦，因為根本就係佢哋策劃一啲好差嘅嘢。」

「好差嘅嘢？咩嚟㗎？邊個策劃㗎？」





「蘇家祺同學喺選舉之前嗰日突然之間走嚟搵我，叫我幫下佢。我問佢肯乜嘢，佢就用咗一條絕密情報去交換。佢話喺屋企聽到佢老豆，即係蘇sir講電話，提到搵人閂電掣總掣同埋準備定一箱選票。」

「嘩！」

整個多媒體室裏的人都異口同聲地呼喊出來。

「我仲以為佢用身體交換㖭。」

「唔好咁衰啦阿方。我記得之前睇過台灣youtuber "Cheap" 講歷史，指出喺五六十年代國民黨威權統治台灣嘅時候，為咗方便執政黨嘅候選人勝選，經常有作票嘅行為發生。佢哋為咗方便作票，台灣嗰陣時嘅開票所一到咗開票嘅時候，就會自動“被停電”。等啲電嚟嘅時候，國民黨嘅候選人就差唔多當選啦。由1950年嘅地方選舉開始，國民黨每四年就作票一次。

1961年台北市長選舉，冇黨籍嘅高玉樹派出咗千幾個監票員。冇錯，嗰一次選舉嘅開票又停電。但係高玉樹嘅陣形因為有備而嚟，帶咗電筒，所以先至順利當選。

我聽到蘇家祺同學講到有機會有作票嘅情況發生，我就喺嗰日放學之後買咗二十支電筒，諗住有咩事就以防萬一。」

「咁你應承咗隻臭雞啲咩？」





「其實唔係好大件事，聽日我會公開講。大家飲完盒檸檬茶記得唔好周圍掉，要掉落垃圾桶。前幾日，多媒體室有昆蟲出沒，去邊個食完薯片唔記得等包裝？」

「我呀，sorry囉。」

「你咁樣第時點樣做會長？自己間房都管唔掂。」

「會長？」

「我下年中六喇嘛，唔搵你搵邊個啊。」


Ig: marx_ice_
https://instagram.com/marx_ice_?utm_medium=copy_link