那天放學後，我撞見有同學在學校後樓梯敦倫: 55 - 罷課

「子芊，第一個小息過咗。你幫我再數下現場有幾多人？」

「好啊。」

此刻我站在操場，不敢相信眼前的一切。

操場中的人數比我想像中多，雖然不少人在這裏聚集，但是大家秩序井然，並且十分安靜。

一些同學在翻閱教科書進行自學，而部分同學則在佈置最新放置在操場的連儂牆（由壁報板改裝而成）。





我很佩服大家，尤其一些修讀藝術的同學抽出時間內幫忙佈置連儂版，並且成品相當不錯。

一些同學雖然選擇繼續在課室上課，但是在小息的時候他們和我們一起到操場或在欄桿邊呼喊口號。

一些長輩，或者大家口中的廢老，經常認為年青人搞亂香港，堵著大家上班的路，影響經濟。

但是，你以為我們很想站出來的嗎？

最好笑的事，一些長輩、甚至所謂名嘴還自以為是地分析，指出九月開始由於學生要上課，所以抗議示威活動將會減少、甚至化整為零，而將再沒有勇武派堵路和作破壞。





我想指出他們的無稽。他們一定沒有上過學、或者很早輟學。學校，是一個學生們聚集和相處的地方。學生會進行交流，而一整班同學的凝聚力肯定比一個又一個的單獨個體強勁。同學們會餵到一樣的理念而拋頭顱、灑熱血，例如在小息叫喊口號和參與現在的罷課。

然後，一些不明所以的同學，例如是中一的，他們會詢問師兄師姐究竟發生什麼事，而他們會從中得知政府的無恥行徑，在憤怒我情緒激動的情況下又會加入抗議活動。

然而我並不是指責所有上了年紀的人都是廢老和十分離地，一些「銀髮族」也十分關注年青人的未來，而年紀大的人不一定跟不上潮流，甚至一些年紀大的人也在提出一些進步的思想。

正當我在沉思，一把聲音暫停了我的思考。

「國鋒。國鋒。鐘！國！鋒！」





「係，唔好意思，咩事？」

「睇咩睇到咁入神呀，睇緊女仔呀？」

「而家睇緊妳。」

「睇我做乜嘢啫，我又唔係靚女，又唔識打扮。」

「邊係呢，唔好妄自菲薄，妳個樣又唔係好差。最重要嘅係，除咗外在美之外，人嘅內在美都好重要。」

「得啦得啦。唔好掛住睇我住，我跟住你所講嘅指示統計完人數啦。現場有49個人參與罷課。」

「好，冇問題，真係估唔到有咁多人。」

「有咩估唔到呀，知唔知大家幾嬲。同埋，嗌口號嗰陣時仲多人。」





「我見到呀，嗌口號嗰陣時尤其好多初中同學參與。」

「係喎，同埋頭先我見到中史科黃sir有參與嗌口號活動。」

「真心咩，子芊你認真？」

「我幾時有呃過你啫，你話係唔係喇。」

「梗係啦梗係啦，點敢話唔係。」

「仲有，唔係淨係得嗌口號有初中同學參與，而家操場上面都有㗎。」

「係咩，等我睇下先。」





「要睇嘅咩，你嘅好兄弟咪喺度囉。」

「係喎，我都唔記得咗佢係初中。等我埋去關照下佢先。」

此時，我見到阿方與另一位同學在寫memo紙，我大步走上去。

「喂，師弟！」

「係，師兄你好，做乜嘢？」

「冇，我見你係在場少數嘅初中同學，過嚟打聲招呼關照下你。」

「咁客氣呀，我隔離呢位都係初中㗎。」

「你好熟面口喎，我喺邊度見過你。」





「我記得呀，就係留堂班，我記得你係畀波浪型髮型嘅肥曾罰留堂一個禮拜。」

「隔咁耐，唔記得喇，你叫咩名呀？」

「佢叫袁世凱呀。」

「阿方你唔好喺度玩嘢啦，我叫袁世傑。」

「好，多多指教。呢度得你哋係初中？」

「唔係呀，嗰度有一個中一。」

「中一？真心咩，我過去睇下先，陣間再傾。」





ig: marx_ice_