我們互相沉默了幾秒,我完全估不到是劉朗然。

「喂呀,做咩用咁嘅眼神望住我啫。」

幾秒鐘後我才回過神來,發現我的眼睛一直盯著家祺。我連忙把眼神移開,然後喝一口奶茶定定驚。

「唔好意思唔好意思,嚇到呆咗啫。但係,我真係覺得好難以置信......

係喎,佢點樣撩妳呢?」





「唔知點解佢攞到我電話,跟住佢日日send啲肉麻message嚟煩住我。」

「Block咗佢咪得囉。」

「我晨早已經拒絕咗佢,點估到佢會咁樣send message姐!」

「Block啦,仲等咩啫。」

「我...驚......」





「點呀,講嘢吞吞吐吐咁,有咩就講啦,呢到得兩個人。」

她一個字比一個字細聲。

「我驚得罪佢......」

「咩料呀,有咩好驚。」

「佢又話知道我住邊,又話要寄賓週相畀我。」





「喂Kiki,認真,如果佢真係send賓周相俾你,記得爆出去畀全校睇下,相信好多人鍾意呢位籃球隊隊長。」

「其實我就唔明點解佢咁多人鍾意,個頭成個阿旺咁,跟住日日講好多粗口,又食煙。然後聽講佢係玩女人嘅賤人,不過唔知真定假。」

「搞大咗人哋個肚嗰啲傳聞?我聽過,但係判斷唔到真假。同埋食煙係咪真㗎。」

「係呀,我見過佢喺巴士站食煙。咁國鋒,你覺得搞大人哋嗰單傳聞係真定假?」

「我就可能因為職業病,唔係好敢去判斷呢啲嘢,做咗記者一段時間,我習慣咗係查清曬所有可能性先至判斷。大膽假設,小心求證呀。」

「果然係校園電視台嘅台長,做事好嚴謹,欽敬欽敬。」

「矣,千祈唔好。喺我哋好多人心目中,真正嘅台長得一個,永遠嘅傳奇 - 台長梁逸軒。」

「係喎,你記唔記得邊個黃金凡?」





「嘩,你仲好意思提佢,當年妳兜口兜面拒絕佢喎!」

「咩呀!咁你唔鍾意人哋,唔通勉強行落去咩,咁樣有咩意思?」

「所以你冇啦啦提佢做咩?」

「我聽d friend講,中一同佢同班嗰啲話想約佢食飯,順便佢哋中一嗰班人聚下舊。我同佢哋唔同班,有啲咩你問佢哋啦。」

「我會㗎啦,我會㗎啦。」

_________________________________

Whatsapp
你可能有新訊息




13:25

ig: marx_ice_