那天放學後，我撞見有同學在學校後樓梯敦倫: 69 - 巴士

「你行邊邊呀？」

「搭巴士。」

「我去搭地鐵呀。有機會再傾過呀國鋒，今日傾得好開心。」

「你請我就唔拘呀。」

「喂呀，正衰人！好啦，唔講住喇，拜拜。」





有人請食飯真爽，在這一刻的我已經忘記了家祺倒瀉粟米湯在我身上的事。

我打開手機上的Spotify，聽著林家謙的<神奇的糊塗麼藥>。

這首歌節奏輕快，並且指出有時糊塗地闖天地可能獲得不錯的結果。

巴士還沒有到埗，我打開Snapchat，看其他朋友分享的相片和故事。

突然一把女聲在我耳邊道：





「聽緊咩歌聽得咁入神呀？」

我抬起頭，看到子芊正站在我的面前和我一起等車。

「你出現得咁突然嘅？」

「做咩成條失魂魚咁呀，遲早你就種蕃薯㗎啦。哦，你做咗虧心事，係咪！」

「err...」





「喂，我問你聽緊咩歌呀，做咩唔答問題？」

「啊...係！聽緊<特倫絲夢遊仙境>。」

「唔怪得知你而家遊晒魂啦。」

她繼續追問：

「同蘇家祺拍拖開唔開心啊？」

眼前這個女人說的所有東西我也不知道怎樣回應，所以我決定保持沉默。

如是者，我們兩個直到巴士到站也沒有任何交流。

我到上層找了一個位坐下，想不到子芊也跟往常一樣在我旁邊坐下。





他見我良久不說話，便用溫柔的語氣說：

「做咩呀國鋒，你嬲咗我呀？」

我冷淡地回覆他：

「冇呀。」

「平日你好多嘢講㗎喎，今日唔似你喎。唔係呀話，咁小氣㗎，我識嗰個國鋒去咗邊？」

「喺你眼前。」

平日只要是相遇，我和子芊一定無所不談。尤其快要升上中五，我們的時間越來越少幾乎整程車，我們兩個也保持沉默。





在快要落車時候，子芊拍了一拍我的肩膀，對我說：

「陣間落車之後，你唔好行住，企喺車站等我一陣，得唔得？」

我目無表情地點了點頭。

ig: marx_ice_