那天放學後，我撞見有同學在學校後樓梯敦倫: 71 - 自作多情

「出年中五喇喎國鋒，你準備好未？」

「有咩要準備啊，中五又唔使分班，啲科又晨早揀好曬。」

「咁公職方面，多媒體學會...唔係喎，其實真係唔覺你已經掌握咗多媒體學會一年。仲有校園電視台！」

「呢度都冇咩要準備呀，駕輕就熟。」

「有冇諗過選學生會？好似話下星期開始有得登記。」





「子芊，選嚟做咩先？你識我咁耐，知道我唔係嗰啲上位去為做而做嗰啲人，嗰樣嘢冇意思或者目的我唔會做，我個目標又唔係為咗撈啲公職返嚟。」

「係喇係喇，知你品德高尚。」

「唔係呀，為咩先？學校入面又冇蘇sir 2.0。」

「話唔定不嬲都有，純粹我哋睇唔到。」

「你唔選真係太可惜呀，就憑你個樣，已經可以迷死曬啲師妹！」





「夠啦，唔好再玩我啦，我真係受唔起。」

「哈哈，睇下你個怕醜樣，塊面都紅曬！」

她用手指戳了一下我的臉。

我不知道應該如何反應，只好轉移話題。

「妳咁靚女妳唔去選？妳去選，保證所有男同學都投你。」





「你應該冷靜啲先，我邊忽稱得上係靚女，我完全唔識打扮，真係大檸樂。」

此時，天空下起滂沱大雨。

「係呀，真係大檸樂喇，咁大雨。

「呢個位撇雨呀，快啲走啦。」

「我唔走。」

「你又點呀，想我喺度陪你坐多陣？」

「係嘅都好似唔錯喎。」

「唔好自作多情。咁大雨，你唔走我走先啦。」





其實我並不是不想走，只是......

「你唔出聲咁我走先喇。」

她撐起雨傘，向前走了兩步又回頭看看我，可能是想我是否繼續留下。

此時，我開口說：「唔好走住！」

她向我道：「你唔係唔想走咩？」

「唔係，同埋我唔記得帶遮，可唔可以遮埋我。」

「見你咁慘，我就勉為其難遮埋你啦。」





「多謝多謝。」

「你住邊啊？你睇下，你右邊個身濕曬啦。將就下啦，我把遮係細啲，你企埋啲啦！」

我照著子芊的吩咐靠近了她兩步，近得直頭肩並肩，輕易就能聽到他她的呼吸。

我的心跳又不由自主地快起來。

走了一段不是很長的路，我們已經到達了我的屋苑樓下。

「到喇。」

「原來你住呢度，咁我同妳都好近啫。」

「近？妳住邊先？」





「做咩想知我住邊，你究竟想做咩？講！」

「冇嘢冇嘢。」

「古古惑惑咁：<」

此時我們兩個的臉距離不遠，我清楚地看到子芊的臉上泛起紅霞。

「妳當我係咩人...咪自作多情啦。」

「你又諗咗去邊呀。」

「算，費事拗。我自己上去得啦，之後再見啦。」





「放心，我哋好快就會再見。」

ig: marx_ice_