那天放學後，我撞見有同學在學校後樓梯敦倫: 74 - 談天說地

「劉朗然？籃球隊隊長？」

想不起他會提到這個名字。

「嘩，而家做埋籃球隊隊長添？」

阿方問道：「做咩提起煙鏟朗？」

「佢宜家咁出名咩。.」





「係呀，好多方面都好出名。」

「嗰陣時我識到劉朗然，係因為喺籃球隊入面打波。佢好好人，首先自己好波，跟住見到啲細啲嘅喺一啲細節上面做得唔完美佢都會出聲。」

「咁佢好波係公應嘅，大家都好同意呢樣嘢，但係佢其他方面都好出名。」

「例如呢？」

阿方：「我見過佢喺條街度著住校服食煙，有啲人仲串佢食得多煙打籃球會叻啲。」





「係喇。佢自己會食煙，然後問下大家想唔想試下。」

「冇王管嘅咩？」

「就喺籃球隊集訓之後更衣室入面畀包煙你，你話有冇王管？」

「咁黃金凡你當年有冇拎？」

「梗係冇啦，要錢買㗎。」





阿方：「幾多錢？」

「你想買呀，哈哈。20蚊」

「20蚊係咩料，邊有可能咁平。」

「所以呢單嘢奇奇怪怪。當時我有向籃球隊教練投訴過，佢話會向學校反映，跟住唔知點解劉朗然嗰一班人知道咗我篤灰，跟住兇鳩我，叫我如果再講出去就打鑊我。為咗人身安全，唯有轉校。」

阿方：「又會咁搞笑嘅，可能啲煙平，籃球隊教練買開，哈哈。」

那一晚，我們也談論了自己的目標和夢想。

「黃金凡，你下個月就去英國，有冇諗過第時做啲咩。」

「我諗住從商，妳呢子芊？」





「藝術！」

「好firm喎。掂哂啦。」

「邊有你咁掂呀黃逸軒，科科都七十幾分以上。」

「符碌嘅啫。」

「阿方呢？」

「我想讀日本研究，最好可以去到日本讀。」

「呢個一定係未來早稻田大學嘅優等生，我哋睇住佢四年之後表演。」





「好差囉阿方，咁樣笑佢。」

「咁你呢國鋒，你又分享下？」

「我想專注做歷史研究，如果第日可以喺大學教書就最好。」

「係一個宏大嘅志向，你加油。」

那一晚我們傾得十分盡興，開心的時光過得特別快，不知道我們下一次這樣聚餐是幾時呢？

ig: marx_ice_