那天放學後，我撞見有同學在學校後樓梯敦倫: 92 - 眾人的結局（完）
一天...
三天...
一星期...
兩星期...
一個月過去了，我寄出去的錄音和錄影並沒有任何回響，校方完全沒有聯絡我。
他們不可能沒收過我寄出的東西，只不過是裝作看不到，甚至...有意包庇（？）
我立即開始啟動plan B！
一天放學後，我詢問了黃德勤，並且問他能否幫我一個小忙。
了解到我的來意之後，他爽快地答應，並希望我一定要告訴所有人真相是什麼。
「各位老師同同學大家好，歡迎收睇最新一集嘅汕頭透視，我係你哋嘅主持人鐘國鋒。今日我哋嘅題目係“汕頭的吸煙問題”。唔知大家了解幾多，今日我哋校園電視台攝影組就帶大家入去後樓梯同埋天台望下。」
然後，導播便播出樓梯和天台遍地都是煙蒂的照片。
「我哋睇到呢個情況相當嚴重，所以我哋校園電視台嘅同事用盡方法去調查點解香煙可以喺校園入面氾濫。我哋校園電視台嘅同事獨家拍攝得到以下珍貴嘅畫面。」
然後，導播便播出當日我和阿方在天台拍到的錄影，包括劉朗然的話。
「呢條片令人懷疑點解籃球隊隊長劉朗然好似喺度發號司令咁，而在場有成箱煙。就呢條片我哋已經向籃球隊隊長同埋校方詢問同埋查核，但係並唔能夠得到合理嘅回覆，甚至冇任何回覆。我哋屋企發生咗啲咩事，我覺得散頭嘅全體師生都有權去知道發生咗咩事。
仲有喺條片入面劉朗然收大家每人20蚊，呢個價錢又係好唔合理，除非係私煙。呢啲來歷不明嘅私煙好多都粗製濫造。我唔係冇證據㗎，有一個同學有喺劉朗然到買煙，為咗佢嘅安全我哋將唔會透露佢嘅名字。我哋問佢借咗一支煙去拆解。
呢一支煙喺搣開之後，入面粗製濫造嘅程度超乎大家想像，甚至有報紙碎係捲咗喺入面。你哋貪平貪玩，但係就唔知道惠益你哋嘅筍貨全部都係假貨。唔好再助長呢種行為，吸煙危害健康，更何況係呢啲假嘅煙？劉朗然連你哋都呃埋，但係你哋而家收手同停止接觸煙草產品仲嚟得切，因為大家都好後生。」
此集播出後，迴響甚廣。
很多同學都在小息的時候聚在校長室門口要求校長解釋事件。
同一時間也有很多老師看不過眼， 加入抗議隊伍，包括中史科黃sir等等。
但是，根據蘇家祺向我提供的線索，校長也根本沒有回來學校。
這件風波一直持續，直到一件事的出現，讓到所有人為之震驚。
芊芊被強姦的影片被氣急敗壞的劉朗然放到網上。
這段影片在整個香港廣泛地流傳，衝上了各大討論區的第一位，大家都議論紛紛，甚至評頭品足。
但是在汕頭工商總會中學裏，大家並沒有因為這件流出事件而被轉移了焦點去討論芊芊，反而讓大家更憤怒，紛紛衝到校長室門外要求校長親自現身說法。
這件事情鬧得很大，驚動了警方。劉朗然被警方拘捕，因此理所當然地被校方停學以及被籃球隊開除。
第二天早上，早會的播報員蘇家祺同學播報陳校長的辭職聲明，他甚至連辭職也沒有回到學校。
他提到自己處理事情不當，應該承擔所有責任並且辭去校長一職。
xxxxxxxxxxxxxxxxxxxxxxxxxxxxxx
芊芊已經一星期沒有上學了。
這天放學後，我如常去到芊芊的家，陪伴著她。
「芊芊，冇事啦，劉朗然強姦罪成判坐監廿七年。」
芊芊撲向我的懷中，她的頭俯伏在我的心口前痛哭。
「嗚嗚嗚......」
希望有一天，她能擺脫這種受到嚴重創傷而產生的後遺症。
除了天天陪伴芊芊之後，我也不知道自己能做甚麼。
唉。
xxxxxxxxxxxxxxxxxxxxxxxxxxxxx
（汕頭工商總會內）
「老陳係咪照住咗我哋幫佢寫嗰份稿喺早會度讀。」
「佢直情冇蒲頭添呀，今朝係我個女喺早會做主持讀出嚟㗎。」
「阿蘇，我哋又少咗兩個砲灰。不過，生意都係要做嘅，快啲搵個第二個同學去負責啦。」
- 全文完 -