其實每日放工都會遇上一個女仔坐同一班巴士,坐喺同一個位度打機。
我哋唔係同一個站上車,唔係同一個站落車,從來都唔會坐埋一齊,亦都唔會有交集。
但我相信我哋每日喺巴士度過既短短既時間,係屬於我同佢既緣份。
身心俱疲後,遇上佢,好滿足。
直至…

今晚既佢係一件淺藍色上衣配一條白色碎花既仿絲長裙。
同上個星期略有唔同,頭髮染咗茶金色,相比之前多咗兩分Mk妹成長後既感覺。
留意到佢既心情幾唔錯,手指喺電話上面飛快咁係咁㩒,應該係有一個會秒回既對象。
雖然係載著咗個黑色既口罩,但從佢既眼眸睇到佢喜悅既心情。




可能係講緊公司既是非?心儀既男神?單純既講緊偶像?
佢雙眼透露出嚟既開心,令我更加想知道口罩下面佢既笑容。
我諗我應該唔會知道,但係佢既喜悅感染到我。
我好自然咁沉醉喺我廉價耳機傳嚟既廣東歌。
口角都因為佢,喺呢短短既巴士時間輕輕向上翹。
睇嚟今晚既運氣唔錯。
已有 0 人追稿