『小美~喂~我喺度啊!』
我淨係見到佢喺舞池近廁所走廊嗰枱度。
挨住咗一個男人,後面有多個男人攬住咗佢條腰。
望到佢係上身著住白色麻布上衣,著住條棗紅色既百褶裙,戴住一頂貝雷帽,一副書蟲眼鏡。
成個感覺就好似係一隻純情可愛既小綿羊無啦啦行錯路入咗狼群入面咁。
雖然嗰刻覺得好奇怪,但係我無諗咁多就即刻拉起咗佢隻手。
『喂,我喺度啦,做咩飲到咁醉㗎妳?』
我一講完就被人一隻手撘住我膊頭。
『喂,我哋嚟先㗎喎。條女我哋既,死開啦屌!』
『搵食同我行遠啲,呢條女今晚跟我哋走㗎啦。』




我望到小美既衫有啲零亂,心口既扣都甩咗兩粒,似係畀人夾硬扯爛既。
我即時無名火起,本來都仲以為係小美自願既。
一諗到段 message,再加呢兩句,即時就估到發生緊咩事。
『搵食?你老尾啊,呢條女我睇既,我宜家就帶佢走。係咪唔啹?係既我哋出去講!屌那媽啊!』
同時用我最惡既眼神儘可能睥住佢哋。
對望咗三秒之後…我唔理三七二十一就拉住咗小美出去。
留低既係兩隻仔喺入面諗緊發生緊咩事。
---------------我係分隔線---------------
『妳搞咩飲到咁醉啊?』
『我唔知啊,我有啲唔開心咪想去飲兩杯…但係飲咗陣嗰兩個男仔就走埋嚟撩我啦…我開始覺得暈就同你講㗎啦…』




『唔好咁惡話我啦…』
『無妳咁好氣,妳好彩我得閒㗎喳,下次真係無人救到妳。喂~唔好暈住啊喂~』
無啦啦就成個傻仔咁扶住個靚女喺七仔門口…
個個都望住我,覺得我似係執屍。
我屌啊,小美,妳條友次次都無咩好嘢益我㗎喎…
唉,唔理啦,就正正扶咗佢入帝字頭嗰間酒店。
我揼咗佢上床之後先真係有時間留意到佢。
小美明明都包到自己幾實下,但係面有紅暈…心口因為扯爛咗露咗少少既事業線,對腳白白滑滑咁。
我忍唔住慢慢愈行愈埋,聞到佢身上有一股體香再加烈酒既氣味…
唔知佢係咪 feel 到我行得好埋,佢無啦啦攬住我拉咗我埋床,擒住咗佢…呢啲係咪應該叫做被動擒女…?




佢喺我既耳邊好輕好輕咁開始講…
『我好熱啊,幫我,好熱啊』
試問一個男人點會忍受得到?
我忍唔住我既獸性,好快就除哂佢身上既所有衫。
我鍚咗落去。
佢亦好努力咁回應緊我既吻。
突然之間,我聽到一聲…
『噁…』既聲音,我咩都無再做,就下㩒住小美個頭去床邊個垃圾桶上面。
之後就係一連串既我唔想描述既聲音。
好啦,我真係咩心情都無哂。
結果就係我幫佢冚好被,我就著住衫瞓咗喺佢隔離。
我承認小美既身材真係好好睇,我亦要留意過佢腰係無花既紋身…全晚就淨係被佢當係熊啤啤咁攬住瞓,同埋不停咁叫緊一個叫(蒙)既人。
呢個叫(蒙)既人應該係佢男朋友…?
天開始光…太陽升起。
晨光初現…而我就成晚都唔Q知自己做過啲咩。 
已有 0 人追稿