起舞吧!愛與舞蹈的感覺: 第一章:初見芭蕾的音樂 1
「喂…，你兩個…」「盈盈你個心諗緊咩呀！」芝詩一直笑住咁問我呢個問題。
「冇呀冇呀」一直否認嘅我紅坐面咁食完成餐飯，好想快啲見到果個男仔呀！
成晚個腦都幻想同呢個男仔見面，一臉陶醉咁望住佢吹雙簧管，搵人救下我…
「十分嘈…」唔知點解已經到左要返學嘅時間，一面攰咁行返學校…
「樂盈、樂…」唔知幾時不停聽到有人叫我，再回頭就發現係易心嘅聲音。
「老師叫你」係我回神之後就發現老師一臉慈祥咁望住我，呀，我份功課…
「唔好意思呀老師，份功課我留左係屋企，聽日交番」一臉尷尬咁坐番低，好想快啲落堂，快啲食飯，快啲…，噢，原來係音樂堂，終於可以放鬆下……
叮噹叮噹，放鬆完就放學，今日到左練習表演嘅時間，希望琴日嘅練習有用。
「樂盈well done，到下個動作」老師嘅一句話，帶我去到另一個新世界。
「休息十分鐘」解放左我地嘅練習疲勞，落堂就返屋企食飯，途中就聽到…
「呢段音樂咁熟嘅…」「咪天鵝湖囉」「係雙簧管嘅獨奏呀」係我心入面大叫到出口，所有人都望住呢個樣，真係想搵窿捐…
時間一轉就到左表演前嘅一個禮拜，每日三個鐘三個鐘咁排，過程有苦有樂…
「好，下個禮拜日就到左我地嘅匯演，今次呢個陣容唔錯，但我想加多少少野，樂盈一陣你留一留低，大家可以解散」老師嘅一句話，令到我失望坐低…
「老師…」「樂盈，第一次做領舞辛苦你，但我想…」改左少少步舞法，個人即刻輕盈左，練多左半個鐘之後，我先慢慢換衫，離開排舞室……
「呼，今晚終於可以好好抖下，仲有一個禮拜，一定要練好佢！」下定決心之後，黎緊嘅星期六日都係屋企加操，為求係表演中可以一嗚驚人，呼呼……
去到表演前嘅一晚，爸媽兩人終於有時間係屋企同我食飯傾計，呀，之前…
「盈盈」「Er…，我未諗去邊旅行呀」噗…，阿爸聽到呢一句即刻笑左出黎。
「咩呀」「我係想知你星期日幾點開始表演」同兩老解釋完之後就到休息時間。
咔咔咔…，轉眼間就到左表演果一日，嘩…，會唔會太多攝影機，太多記者…
「啲相機會唔會太多…」「係囉」我地驚嘆左一聲就入左後台，咦，呢種聲音…
「喂樂盈…」聽到後面有人叫著，但我都係想去搵下呢種聲音嘅來源係邊。
「呢位同學」「呃」「咦，你係…」「唔好意思」比人截住左就冇得再向前，但…
接住落黎，就係一班青春嘅小妹妹，為大家帶黎…」宣佈我地出場果一刻，我即刻驚左一驚，希望一陣唔好出咩差錯就好，嗯…嗯嗯…，到我出場嘅位置！
啪啪啪…，唔知過左幾耐，終於都完，係一陣又一陣嘅拍掌聲，終於都完啦！
「緊住落黎係韻樂音樂學院嘅樂團，為我地帶黎雙簧管協奏曲…」我地退場之後，工作人員一邊佈置場地一邊聽到咁嘅宣佈，協奏曲，自己嘅協奏曲？
「樂盈…」凱桐嘅聲音提醒我望返去老師嘅方向，但個腦就諗住果個男仔…
「好，依家係自由時間，五點半我地係樓下等旅遊巴返去舞室」老師嘅宣佈解散左我地成班女仔，唔知岩岩嘅協奏曲完左未呢，果個男仔仲係唔係度呢？
「哈…」一陣又一陣嘅笑聲係旁邊傳黎，明顯就係佢地四個笑我嘅聲，搞錯…
啪啪…，會場傳黎一陣又一陣嘅掌聲，代表住成首樂曲嘅完結，定係中段？
「encore、encore…」觀眾不斷傳出呢個叫聲，Er…，呢個係想樂團再演多首？
「1…2…3…4」聽到指揮細聲吹著呢個拍子，即係樂團嘅演奏又要再次開始。
啪啪啪，唔知過左幾耐，再次聽到拍手聲，呢次見到指揮同演奏者一齊鞠躬。
「不如去食少少野囉？」芝詩嘅提問令其他三位都點頭，我…我想去搵下佢…
「你地過去先，我一陣黎搵你地」同佢地四個講低之後一腦子都係佢咁跑走。
「盈盈…」唔理佢地嘅叫喊，一股作氣咁跑去樂團房附近，呼…呼…，佢呢？
「咦，有人探班喎」其中一個男仔望住我，但…點解總係見唔到雙簧管果個…
「辛苦你，下一堂見你」指揮慢慢帶個男仔行出黎，我認得就係雙簧管果個！
「你係…」「呃…」又比人打斷哂，我想同佢傾到一句計都咁難…….
「盈盈呢邊呀」跑左唔知幾耐就聽到芝詩係度叫我，我幾時跑左出黎大堂架？
「hi」後面突然傳黎一把陌生嘅男聲，咦，呢個咪係雙簧管果個男仔，點解…
「樂…吾吾吾」「你搵我？」「岩岩見到你過左黎兩次，唔講野就走，所以…」佢留意到我？，佢岩岩係唔係話留意到我？，好開心呀！
「咁你…」「你得唔得閒，不如食少少野？」「好呀！」唔知點解，我個心好快就應承左佢嘅飯約，呀…，咪住咪住，係度食飯嘅話咪會比佢地聽到哂！
「Er…，不如我地出去食？」距離集合時間仲有一個鐘，應該趕得切掛……
「5，得嘅」好快就同左佢出去荃新天地食飯，呀，我冇講過表演場地係荃灣大會堂呀何，唉，冇所謂，同佢食到一餐飯就得架啦，啦啦啦，我唔係仲意佢！
去到荃新天地，十五十六唔知揀邊間，隨便揀左一間好似唔錯嘅，佢好似……
「呃，你唔介意呀嘛」「冇…問…題」突然口窒窒，之後入左去一直dead air…
「點解岩岩傾得唔錯，依家」一直諗唔到有咩好講，所以就禁住電話等野食。
「唉…」諗下諗下有咩好傾，咦，呢個好似唔錯喎，搵日不如同佢地四個去？
「咦，你…你…」係呢個時候有把男聲，吾，佢原來都有野睇呢個專頁，唔…
「5…」慢慢咁等住佢回復，唔知佢地食完未，咪住，岩岩佢講緊咩話？
「一齊去？」好似聽到關鍵字咁，我同佢兩個？，兩個人去呢間咖啡店？
「不如比我諗下先？」同佢好似識左十五分鐘炸，點可以同佢兩個出街架。
「5」快速嘅回復，令岩岩有嘅氣氛即刻冇哂，唔知點樣先可以番番果個氣氛。
鈴鈴…，唔知過左幾耐，我地杯野飲剩返一半，但係…芝詩打過黎，咩事呀？
「盈盈，我地要返去啦，快啲返黎」呢一句將呢餐飯嘅和諧打破，咁樣……
「Er，我要返去，咁我地」「5，不…如…」又開始口窒窒，係唔係佢太緊張？
「好」就咁比左電話號碼比佢，之後就快快返去荃灣大會堂，再返跳舞學校。
「大家留一留低，想傾岩岩個表演」老師其實放左我地，但樂愛留低我地。
「做咩？」「去食飯再傾」樂愛好快就搵我地去海之戀商場，再係韓樂坐低左。
「叫左野食，究竟有咩想傾」「我呢」樂愛好快就講左我地嘅分析題目，不過…
「呵欠…，我想訓啦，唔好傾住啦」麗晴好快就打左個喊露，再訓低係枱。
「你地嘅凍朱古力」「咦，易心你係唔係…」有少少見紅嘅底裙，睇黎……
「呀，原來…，我去一去洗手間」易心好快就唔見左，再到我地嘅閒聯時間。
「我地星期六見！」嗯？嗯？，我有約佢地星期六去邊咩，咦，呢個訊息係…