起舞吧!愛與舞蹈的感覺: 4
「喂，佢兩個真係好襯呀何？」芝詩一路send相上群組，一路問左呢句……
「嘩，呢張相」大家一直係個群度傾緊呢幾張相，老師到左之後就望住我笑。
鈴鈴…，去到食晏，好似好多人望住我地果枱，芝士你唔係send左去其他群？
「芝士，你係唔係…」「我冇呀！」「你係唔係樂盈？」突然有個陌生人叫我…
「你係..」「我係影天嘅朋友，可唔可以講兩句？」仲有十五分鐘，夠時間嘅…
「琴日你同影天傾左啲咩？」佢係係度問緊我咩…，呢個係影天嘅青梅竹馬？
「冇呀，我地只係食個飯，咩都冇傾過…」答左佢嘅問題，我好快就跑走…
呼…呼…呼…，點解會有個女仔黎搵我，係向我宣洩主權定…，呀，做咩？
「咩…」「岩岩發生咩事呢？」又係一個又一個嘅奸笑樣，三個八妹真係…
「我都想知…，佢應該係青梅竹馬掛…」「真係架…」仲有五分鐘，都唔知點…
鈴鈴鈴…，學校再次打鐘，已經係放學時間，呼，今日要去跳舞嚕。
「各位，我地下個表演會係聖誕…」「樂盈你搞得掂？」老師講左差唔多兩分鐘，之後再問我，嗯？嗯？，又問我咩問題，聖誕表演又係我做領舞？
「可…可以嘅」天鵝湖定胡桃夾子，今次嘅表演，真係可以拎到100分？
「好，今次我地表演…」老師宣佈今次嘅表演項目，真係…真係胡桃夾子！
「樂盈唔駛擔心，上次表演已經做得唔錯，呢個表演做到練習果陣嘅程度就得。」老師咁同我講，心理壓力一定有，嗯，就練習多啲，令不完美到完美。
「好，我地再黎一次」大約五分鐘一次嘅練習，好快就再一次練習……
「呼…」三個鐘嘅練習，練習完都已經到左八點鐘，一個攰死嘅節奏。
鈴鈴鈴…，換好衫就有電話到，咦，係媽咪打過黎，唔通屋企發生咩事？
「媽咪？」「阿女，你係唔係跳完舞啦？，快啲返黎屋企，有野同你講。」媽咪講完之後就cut線…，冇啦啦一個電話就話有野講…，唔通真係發生左咩事…
「盈盈做咩？」「冇事，我返屋企先」聽到呢個電話，換哂衫即刻跑返屋企…
叮叮...，係我跑緊嘅期間，電話突然彈左個訊息出黎，嗯？，係影天嘅訊息？
「sorry，今日紫君係唔係搵你講左咩奇怪野？」紫君？，食飯搵我果個女仔？
呼…呼…，係舞蹈學校用左十分鐘跑到返屋企樓下，都唔想理解影天講嘅野。
「媽咪，咁急叫我返黎？」用多五分鐘就返到屋企，媽咪爹地已經坐到係度。
「我同你爹地比公司安排去出差半個月，之前同你講過嘅旅行要延期」媽咪好快就講左今次嘅題目，之後就同我交待左呢半個月嘅事，半個月自己理自己？
「好…」自己一個半個月，都唔知自己會唔會出事…，呼，同姊妹訴下苦先。
「姊妹…」係群組講左半個鐘，大家都好似愛理不理咁…，唔通冇人關心我？
「係…」好快就傾多左一個鐘，已經係食飯時間，媽咪叫我食飯之後就停左…
「媽咪你地幾時出發？」「下個禮拜」講完之後，我地三個靜默左十五分鐘…
鈴鈴鈴…，食完飯之後，芝詩同麗晴兩個聯合打左個電話過黎，佢兩個搞咩？
「你兩個做咩…」「你真係搞得掂？」唔等我講哂成句，兩位姊妹已打斷左我…
「岩岩唔係唔理我架咩...」好似發緊脾氣一樣嘅小妹妹咁，就睇下佢地做咩..
「不如我地過黎度住幾日？」佢地講呢句我已經打左個突，但好似行得通喎。
「你地真係得？」「聽日再傾」好快就完成呢個電話，之後就望到Whatsapp…
之後就見返下畫冇復到嘅訊息，但我仲未諗到點復，依家…已經係十點，佢…
「盈盈，冇事呀嘛？」叮，剛剛熄左瑩幕諗左一分鐘，就已經收到佢嘅訊息。「冇事」「不過邊個係紫君？」完全諗唔明佢想講咩，唯有慢慢同佢傾計算…
「係，你會唔會想睇呢套戲？」佢突然又傳黎一個約會邀請，但星期六日就…
「星期六日…，我呢個禮拜都有野，不如」「唔緊要，你幾時可以都得架」唔駛一秒鐘，佢已經打左呢條訊息過黎，我幾時得閒都得…，佢係度等緊我？
「未有時間，有時間再同你講」呼，今日發生咁多事，比時間自己整理下先…
「同影天傾左計之後，有女仔過黎搵我」「兩老又要出差，留我係屋企成個禮拜…」鈴鈴…，5…，第二朝一大清早，收到個黎自芝詩嘅電話，仲有麗晴？
「咩事咁早打黎…」未清醒嘅我就聽到呢兩個八妹嘅聲，咩話，佢地話可以？
「咩話，真係得？」「係呀，我地星期日過黎得唔得？」「可…可以呀」完全唔識回應嘅我，過左成分鐘先知答到佢地嘅問題，之後就到左學校，傾緊咩野？
「你地咁快返左黎？」「我地本身就約左係附近食野呀嘛，星期日幾點得閒呀」「不如約十二點後？」「可以」好快就過左幾日，星期五嘅時間，又要跳舞嚕。
「樂愛你覺得我跳成點？」「Er…，都幾好嘅，不過差少少…」樂愛有時間過黎睇我地排舞，之後嘅一個鐘，都係餐廳度傾緊我跳舞果陣嘅問題，再到就係…
「好啦，我地星期日見！」星期日又係成班姊妹去街嘅日子，嗯，又有訊息？
「樂盈，唔知你星期一放學得唔得閒睇戲？」又黎一個莫名嘅約會邀請…
「唉…」一邊係姊妹群打上問題，一邊諗，我係唔係對佢真係有咁大興趣？
「喂盈盈」嗯？，樂愛把聲？，我地姊妹團幾時開左個通話我唔記得架？
「咩…」「星期一你要跳舞唔得，不如約佢星期二呀」四位姊妹都係度講緊個約會，冇人理我星期日開始嘅生活應該點樣過…
「嗯…嗯…」呼，開始眼訓啦，聽日係星期六，自由自在嘅星期…，功課就…
鈴鈴…，一大清早就有電話殺過黎，嗯？，媽咪打比我嘅，唔通係發生左事？
「盈盈你終於醒啦，幫媽咪係主人房拎件文件過黎，一陣同你食晏」復左冇問題之後就開始慢慢梳洗，再到位置尖沙咀嘅公司，嘩，真係好靚呀…
「盈盈唔該你，仲有半個鐘就食飯，你係度坐一陣」知道要等所以就帶左本功課出黎做，一邊做一邊諗返起，我仲未復影天，雖然雙簧管嘅聲真係好聽…
「星期一要學跳舞，但之後已經係測驗，之後搵時間約你」打沉左佢嘅慾意，媽咪就已經得閒食飯，之後就送左我去搭巴士…，一來一回咁就已經兩個鐘…
「好，仲有六個鐘，全力做哂所有功課同溫書，今晚比時間自己休息！」咁樣同完自己講，但係未返到屋企已經比人捉住左，嗯？，眼前呢個咪就係影天？
「hi，你係度嘅」「冇…，見…你」又黎啦，佢口窒窒又黎啦，唉，都係走算。
「樂盈」行左唔夠五步就聽到佢叫我嘅聲音，唔好理佢唔好理佢，不停咁講…
「咔」跑左差唔多十分鐘就返到屋企，呼…，終於可以自由自在咁休息一陣。
叮…，手機通知我收到一個訊息，係黎自影天嘅訊息，佢依家係海之戀商場？
「樂盈，其實我有好多野想講…」貌似正常嘅對話，我究竟應唔應該去搵佢