起舞吧!愛與舞蹈的感覺: 第三章: 愛與友情的界線 1
Sorry各位讀者，話左會繼續po故冇set排程公開，又唔記得手動po故，要大家等左成個月有多，真係唔好意思
岩岩完Sem應該多返時間處理小說呢邊嘅事，續集都係度構思緊，希望大家繼續支持我
事不宜遲，我地繼續去故啦!!!!
--------------------------------------------------------------------------我係分隔線------------------------------------------------------------------------------
「我…我」「阿哥話擔心我，所以咪跟埋黎囉」依旋答完我呢句就望一望影天。
大家到左果陣問左同一個問題，而影天就用左岩岩依旋嘅答案，但好奇怪…
「岩岩我地未到果陣有冇發生咩呀？」八掛程度max嘅芝詩問，其他人就…
「冇，係影天又口窒窒咁答我…」之後大家都冇追問落去，一直傾住有咩玩。
「到啦大家，準備落船」芝詩咁講果陣，大家都開始執野，點知我見到…
「阿哥你冇事呀嘛，唔坐得船就唔好跟黎啦，雖然我知你」「冇野呀嘛」係我埋去幫手果陣，依旋就停左唔再講落去，而係答我問嘅問題，呢兩兄妹有問題！
「姐姐，冇咩事係阿哥唔坐得船所以…」係船上處理完之後就落左地，之後…
「岩岩冇食野就入黎，咁去食個早餐先啦」芝詩好似做足功課咁帶住我地去搵餐廳，食完野又去張保仔洞，穿過所有橫街窄巷，直到中午一點，一下聲…
「Sorry呀，我又肚餓啦」依旋個肚傳出一下又一下嘅聲，所以又去食個午餐。
「不如一陣去踩單車呀」依旋係食晏間餐廳望出去之後講左呢一句，但係我…
「好呀，都好耐冇踩過」「Er…」我一直Er…，Er…咁講野，但係就反對唔到…
「盈盈做咩呀…」麗晴係我耳邊問左呢句，我就如實就咁同佢講返，之後就…
「唔緊要啦，你地去玩，我教樂盈踩得啦」影天自告𡚒勇咁話教我踝單車。
「咁盈盈交比你」一個鐘嘅時間，大家就拎住部單車唔見左人，得番我同佢…
「唔該哂你」「唔…洗」我地兩個都有啲尷尬咁望住對方，而我亦慢慢掌握到…
「等我一陣」影天開始唔口窒窒，而佢亦都租多左架單車，係我隔離一齊踩。
「慢慢唔駛急」係我背後一路提點我點樣踩點樣踩，直到我可以好順利咁踩…
「我得啦」直到平衡到開始踩到直線已經係半個鐘後嘅事黎，之後就開始…
「好舒服呀」「係呀，好耐都未試過咁開心」影天講呢句果陣，視線係望住我…
「關我事？」「冇…冇呀，不如繼續囉？」佢復我果陣又口窒窒，好可愛架佢。
咔咔咔，係我地背後傳黎影相聲，之後先發現…芝詩同麗晴佢地係我地後面。
「喂，你地兩個呀」「好sweet，唔駛理我地架，走囉？」芝詩講完呢句就同麗晴兩個踩走，但係我地七個女仔嘅群組，啲相就一張又一張咁傳出黎，仲有…
「一對情侶嘅甜蜜時刻」連你個芝詩都要玩我，邊…邊個同佢係情侶呀？
「做咩？」佢個頭係我隔離問左呢句，不過佢睇左啲相就尷尬面紅咁擰轉面…
「你…」「冇事…」我地兩個就好尷尬咁一齊繼續踝單車，直到要還車嘅時間。
「不如去食飯囉？」「係長洲當然係掃街啦」芝詩又住我地食盡長洲嘅美食…
「阿嫂呀」依旋嘅聲音係我旁邊響起，其實…我幾時同佢阿哥開始我唔知架？
「其實…我幾時同你阿哥拍拖架？」「吓，我阿哥仲意你，你唔知咩？」依旋有意無意間提到呢個話題，而我個心係甜左一甜，但我…唔想咁快開始拍拖…
「Er」好快就過左話題，而阿嫂呢個稱呼，由呢一日成為依旋對我嘅專稱…
「係大魚蛋呀！」望到眼前嘅小販攤，依旋已經衝左過去，唔理我地六個人。
「阿哥…」一對大眼睛入面滿滿眼淚水，嘩，原來影天嘅責任係比錢。
「樂盈你食唔食？」佢已經可以好輕易咁同我傾計，而且好容易咁叫我個名。
「嗯…」好簡單就回應左佢，而旁邊嘅幾位姊妹就望住我好奸咁笑…
「呀，係喎，點解我會應左佢架」好快就係個心度問自己呢個問題，唔通我…
「樂盈」佢跑住咁返黎，手上已經拎住左兩粒大魚蛋，一人一粒，幾寫意呀。
係長洲嘅街頭行左差唔多兩個鐘，好快就食哂我地想食嘅野，之後就係回程…
「我呢…」依旋係電話上面禁左幾下，就係Openrice搵左師妹甜品出黎…
「可唔可以去食埋呢間先返去？」佢問緊我地，其實係問緊佢嘅贊助人阿哥。
「好」影天答左一句之後就行去呢間唔知咩嘅甜品舖，但比門口嘅人群嚇襯…
「會唔會太多人呀…」「慢慢排入去啦唯有…」好似真係好出名咁，點解我…
「不如分開坐？」「好呀…」其實我地有九個人，最少要分兩張枱先得。
「火焰雪山」依旋唔駛兩秒就揀左呢個，而我望住個餐牌出左神，到最後…
咔…，其中一個店員熄哂所有燈再閂埋窗簾，嘩，點解咁大陣象，咩事呀…
「好靚呀」依旋好快就講左呢句出黎，原來係佢嘅火焰雪山事嘅，之後就…
「嘩」姊妹嘅聲音傳到我耳邊，而我面嘅心太軟都冒出火光，咔咔聲不斷。
「岩岩個甜品真係唔錯」係行去碼頭期間，大家都討論緊岩岩嘅甜品之旅…
「盈盈」「樂盈」又係一把又一把聲音叫著我嘅名，而有隻手拖住我開始跑…
「咩…咩事」「嗚…」係遠處嘅船開始嗚笛，睇黎最快嘅一班船我地錯過左。
「唔緊要，我地休息一陣先」芝詩為我地下左呢個定論，而且望住我嘅方向…
「呃…，Sorry」原來係岩岩影天想拉著我跑，我地兩個嘅手仲係拖住嘅狀態。
「唔緊要」雖然係咁回應住影天，但我塊臉都開始冒起紅霞，呼呼，冷靜呀！
「哈哈哈…」依旋望住我同影天開始大笑起黎，之後終於到落船果陣……
「冇事呀嘛盈盈」「冇…」就咁回應左姊妹，好快就返到荃灣，徐徐解散…
「聽日傾唔傾表演嘅野？」依旋好快就八人群度講左呢句，呃，我唔係太想…
「冇問題」「我OK」點知其餘嘅人都話可以，不過我想自己係屋企溫下書…
「今日好攰，聽日我都係唔黎啦」就咁應左呢句就係床上面訓著左，之後…
叮噹…，門鈴嘅聲音打破左我屋企嘅寧靜，睇返出去，原來係芝詩同麗晴。
「做咩上左黎嘅」「你話攰呀嘛，所以咪冇約到大家，我地兩個上黎係搵你玩同溫書架」唔知點解我見到麗晴同芝詩打眼色，明顯係有另一個企圖，係關於…
「姐姐冇事呀嘛，不如我上黎搵你？」原來依旋琴晚有搵過我，不過我都…
「依旋佢會唔會太熱情呢，哈哈」芝詩好似講啲唔講啲咁，點應依旋好呢…
就咁過左兩個鐘，我地三個係屋企傾下東傾下西，之後就開左大富翁黎玩…
咔，望一望個鐘，原來已經係下畫四點，我地一玩就係五個鐘，媽咪返黎啦！
「Auntie」「上左黎呀，等我一陣」媽咪好快就返左房，再拎左兩盒禮物出黎。
「多謝Auntie」「媽咪」我鼓起兩邊面，係度表達緊自己對禮物嘅渴求。
「知啦傻女，等我一陣」「盈盈你好搞笑呀」「咩啫」姊妹兩個竟然係度笑我。
玩多兩個鐘，之後佢地兩個都要走，但係走之前比左個眼神我，關於依旋嘅？
「係喎，我冇復到依旋添」岩岩check返電話，依旋又傳多左兩個訊息過黎…
「岩岩同姊妹玩耐左，冇咩事」唔駛一分鐘就復左依旋，點知之後收到電話…
「姐姐，聽日落左堂過黎我屋企呀」依旋嘅訊息冇咩唔妥，之後就到返學日…
「樂盈」落到樓下就撞到依旋，而影天就係佢隔離，佢係陪依旋返學嘅？